Հելսինկյան քաղաքացիական ասամբլեայի Վանաձորի գրասենյակ

Հրավիրում ենք Ձեզ մասնակցելու «Խոշտանգում վերապրած անձանց  վերականագնողական հայկական կենտրոնի» բացման արարողությանը 2018թ. նոյեմբերի 21-ին՝ ժամը 16:30-18:30 Թուֆենկյան Ավանդական Երևան Հյուրանոցում, հասցե` Հանրապետության 48 (Վերնիսաժի հարևանությամբ):

Երևանում վերականգնողական կենտրոնը բացվում է Եվրոպական միության ֆինանսավորմամբ Հելսինկյան քաղաքացիական ասամբլեայի Վանաձորի գրասենյակի և Խոշտանգման զոհերի հոգեսոցիալական և բժշկական վերականգնողական վրացական կենտրոնի (GCRT) հետ համատեղ իրականացվող «Պայքար խոշտանգման և վատ վերաբերմունքի դեմ Վրաստանում, Հայաստանում և Ուկրաինայում» ծրագրի շրջանակում տրամադրված ենթադրամաշնորհային ծրագրով:

«Պայքար խոշտանգման և վատ վերաբերմունքի դեմ Վրաստանում, Հայաստանում և Ուկրաինայում» ծրագիրը մեկնարկել է 2018թ.-ի փետրվարին: Ծրագրի նպատակն է փակ և կիսափակ հաստատություններում խոշտանգման կանխարգելումը, խոշտանգում վերապրած անձանց աջակցության տրամադրումը, թեմայի վերաբերյալ իրազեկվածության բարձրացումն ու ջատագովությունը: Սույն ենթադրամաշնորհային ծրագիրն իրականացվում է «Հոգեբանների հայկական գիտական միավորում» ՀԿ-ի կողմից, այն կմեկնարկի այս տարվա դեկտեմբերի 1-ից:

Խոշտանգում վերապրած անձանց վերականգնողական հայկական կենտրոնի (ARCT)  գլխավոր նպատակը խոշտանգում և այլ դաժան և անմարդկային վերաբերմունք վերապրած անձանց ու նրանց ընտանիքներին համակողմանի՝ ֆիզիկական, հոգեբանական ու սոցիալական աջակցության տրամադրումն է՝ հոգեբան/հոգեթերապևտի, սոցիալական աշխատողի, բժիշկ-թերապևտի ու հոգեբույժի ներգրավմամբ: Վերականգնողական կենտրոնի վերաբերյալ այլ մանրամասներ կներկայացվեն նոյեմբերի 21-ին կայանալիք բացման միջոցառման ընթացքում:

Միջոցառմանը հրավիրված են նաև ՀՀ պետական կառույցների, ՀՀ-ում գործող դեսպանությունների, տեղական և միջազգային իրավապաշտպան կազմակերպությունների և ոլորտին առնչվող այլ կառույցների ներկայացուցիչներ:

Հարցերի դեպքում խնդրում ենք գրել ՀՔԱ Վանաձորի գրասենյակի ծրագրերի ղեկավար Օֆելյա Զալյանին ozalyan@hcav.am էլփոստի հասցեով կամ զանգահարել ՀՔԱ Վանաձորի գրասենյակ 0322 7 22 68 հեռախոսահամարով:

Միջոցառման օրակարգը.