Հելսինկյան քաղաքացիական ասամբլեայի Վանաձորի գրասենյակ

Հելսինկյան քաղաքացիական ասամբլեայի Վանաձորի գրասենյակը փնտրում է հանրային կապերի մասնագետի օգնական։

Հիմնական պարտականությունները

• Լուսաբանել կազմակերպության ընթացիկ գործունեությունը

• Սրբագրել, խմբագրել կազմակերպության կայքէջում (այլ հարթակներում) հրապարակվող նյութերը
• Մասնակցել միջոցառումների կազմակերպման աշխատանքներին (անհրաժեշտության դեպքում)

Անհրաժեշտ հմտություններ, որակներ

• Բարձրագույն կրթություն՝ լրագրության կամ հարակից ոլորտներում
• Հայերենի գերազանց տիրապետում
• Լրատվական նյութերի պատրաստման գերազանց հմտություններ (փորձը կդիտվի որպես առավելություն)
• Ռուսերենի և անգլերենի լավ իմացություն (ցանկալի է)
• Համակարգչային հմտություններ (Google ծառայությունների ու ծրագրերի հետ աշխատելու հմտություն, Microsoft office փաթեթի լավ իմացություն, Wordpress-ի իմացությունը կդիտվի որպես առավելություն)
• Լուսանկարահանման, տեսանկարահանման, մոնտաժի հմտություններ
• Կազմակերպական հմտություններ 
• Հաղորդակցվելու, թիմում աշխատելու հմտություններ
• Մարդու իրավունքների պաշտպանությամբ հետաքրքրվածություն 
• Արտակարգ իրավիճակներում արագ կողմնորոշվելու հմտություն և ճկունություն
• Ստեղծագործական, նորարարական մոտեցում

Աշխատանքի տեսակը՝ ամբողջ դրույք

Ժամկետը՝ 3 ամիս (երկարաձգման հնարավորությամբ)

Գտնվելու վայրը՝  ք. Վանաձոր, Տիգրան Մեծ 53

Աշխատաժամեր՝ 9:30-18:30:

Դիմելու համար անհրաժեշտ է ուղարկել հայերեն ինքնակենսագրական և մոտիվացիոն նամակ (pdf ֆորմատով) hr@hcav.am էլփոստի հասցեին մինչև 2019թ․ սեպտեմբերի 30-ը։ «Թեմա» դաշտում նշել՝ «Հանրային կապերի մասնագետի օգնական»։ Եթե ունեք լրատվական նյութեր պատրաստելու փորձառություն, խնդրում ենք Ձեր հայտին կցել 1-3 նյութ՝ մեկ փաստաթղթի մեջ կամ տրամադրել հղում, եթե դրանք հրապարակված են։

Հետագա փուլերի մասին կտեղեկացնենք ընտրված թեկնածուներին։

Կազմակերպության սկզբունքն է` հավասար աշխատանքային հնարավորություններ բոլորի համար, որը հիմնված է անձնական կարողությունների և որակավորման վրա՝ բացառելով որևէ խտրականություն` սեռի, տարիքի, ազգային պատկանելիության, առողջական վիճակի, սոցիալական վիճակի, ռասայի, մաշկի գույնի, սեռական կողմնորոշման կամ կրոնի հիման վրա: Սա վերաբերում է բոլոր գործողություններին և գործընթացներին, ներառյալ անձնակազմի ընտրությունը, ներգրավումը, աշխատանքի ընդունումը, աշխատանքից ազատումը,  աշխատանքի նշանակումը, փոխհատուցումը կամ միջանձնային հարաբերությունները: