0 8000 12 11

Մարդու իրավունքների պաշտպանության անվճար թեժ գիծ
menu

Ռազգիլդեևը շարունակում է նիստերին մասնակցել հեռավար․ դատարանը դա խախտում չի համարում

March 4, 2021

Գործունեություն | Իրավական աջակցություն | Իրավական աջակցություն | Կյանքի իրավունք | Հրապարակումներ | Նորություններ | Ջուլիետա Ղուկասյան

2021 թվականի մարտի 3-ին Շիրակի մարզի ընդհանուր իրավասության դատարանում` դատավոր Ադրինե Ղուկասյանի նախագահությամբ, շարունակվեց 2018 թվականի դեկտեմբերի 2-ին Գյումրիում սպանված Ջուլիետա Ղուկասյանի գործի քննությունը։

 

Ջ․ Ղուկասյանի սպանության մեջ մեղադրվում է Գյումրիում տեղակայված ռուսական 102-րդ ռազմաբազայի զինծառայող Անդրեյ Ռազգիլդեևը, որը, սակայն, մեղադրանքը չի ընդունում։

 

Փետրվարի 3-ին կայացած դատական նիստին, երբ հրապարակվել էր մեղադրանքի եզրակափակիչ մասը, Ռազգիլդեևը նաև հրաժարվել էր պատասխանել դրա վերաբերյալ պարզաբանող հարցերին։

 

Բացի դրանից՝ դատարանը խախտում է Քրեական դատավարության օրենսգիրքը և չի ապահովում ամբաստանյալի ներկայությունը դատական նիստին։ Ռազգիլդեևը դատական նիստերին մասնակցում է հեռավար։

 

Ջուլիետա Ղուկասյանի իրավահաջորդի իրավունքների պաշտպանությունն ստանձնել է ՀՔԱՎ-ը։ Նրա շահերը դատարանում ներկայացնում են ՀՔԱՎ նախագահ Արթուր Սաքունցը, ՀՔԱՎ փաստաբաններ Արայիկ Զալյանն ու Հայկ Հակոբյանը։

 

Նախորդ նիստերը պարբերաբար հետաձգվում էին տարբեր պատճառներով, իսկ փետրվարի 3-ին կայացած դատական նիստին էլ դատարանը չհիմնավորված արգելել էր ամբաստանյալին տեսանկարահանելը՝ կողմնակալ վերաբերմունք ցուցաբերելով դատավարության մասնակիցների նկատմամբ։

 

Չնայած մարտի 3-ին լրագրողները հնարավորություն ունեին մասնակցելու և նկարահանելու դատական նիստը, բայց ամբաստանյալին նկարահանել կրկին թույլատրված չէր։

 

Մարտի 3-ի նիստի ընթացքում դատարանը շարունակեց հետազոտել գրավոր ապացույցները։ 

 

Հաջորդ դատական նիստը մարտի 22-ին՝ ժամը 15։30-ին է։

Դիտումներ՝ 95

Leave a Reply

Your email address will not be published. Required fields are marked *

Հետադարձ կապ

Ընտրել համապատասխան կապը

  • ???????
    A A A
  • ?????????
    arial verdana tahoma
  • ???????????
    regular light bold
  • ??????????????
    1px 2px 3px
  • ???????? ?????
    ???? ??????? ??? ???????? ??? ???
  • ???? ??????
  • ?????? ??????