Հելսինկյան քաղաքացիական ասամբլեայի Վանաձորի գրասենյակ

2023 թ. սեպտեմբերից մինչև 2024 թ. մարտն ընկած ժամանակահատվածում Հելսինկյան քաղաքացիական ասամբլեայի Վանաձորի գրասենյակը նախաձեռնեց եւ իրականացրեց հետազոտություն ՄԱԿ-ի Անվտանգության Խորհրդի թիվ 1325 բանաձևի կիրակմանն ուղղված 2022-2024 թթ․ գործողությունների Ազգային երկրորդ ծրագրի ուղղությամբ իրականացված աշխատանքների զարգացումները և զինված ուժերում ներգրավված կին զինծառայողների իրավունքների պաշտպանության վիճակը դիտարկելու նպատակով, որի արդյունքում կազմվեց «Կանանց իրավունքների պաշտպանության վիճակը ՀՀ զինված ուժերում» զեկույցը։

Հետազոտության արդյունքում Կազմակերպությունը վերհանեց կանանց զինվորական ծառայության ներգրավման հետ կապված խնդիրներ, որոնց լուծման ուղղությամբ ձևակերպված առաջարկությունները 2024 թ. մարտին ուղարկվեցին ՀՀ պաշտպանության նախարարություն և շահագրգիռ այլ կողմերին՝ ՀՀ ԱԺ պաշտպանության և անվտանգության հարցերի մշտական հանձնաժողով, ՀՀ արտաքին գործերի նախարարություն, ՀՀ մարդու իրավունքների պաշտպանին՝ քննարկելու և արձանագրված խնդիրների լուծման ուղղությամբ քայլեր ձեռնարկելու նպատակով։

Առաջարկությունների մեծամասնությունը ՀՀ պաշտպանության նախարարության կողմից ընդունվեց ի գիտություն։ Օրենսդրական փոփոխությունների վերաբերյալ ՀՔԱ Վանաձոր գրասենյակի կողմից ներկայացված առաջարկությունները, որոնք ՀՀ պաշտպանության նախարարության կողմից ընդունվել են ի գիտություն, ներկայացնում ենք ՏԵՂԵԿԱՆՔում։