«Հակահայկական քսենոֆոբիան և ռասիզմը Ադրբեջանում․ 2023» ԶԵԿՈՒՅՑԸ փաստում է հայերի նկատմամբ պետականորեն հովանավորվող այլատյացության և ռասիզմի շարունակական օրինաչափությունները, որոնք սպառնալիք են Հարավային Կովկասի խաղաղության և անվտանգության համար։ Այն բացահայտում է Ադրբեջանի կառավարության կողմից վարվող քաղաքականությունը, որն ուղղված է Լեռնային Ղարաբաղի հայերի լիակատար արտաքսմանը և Հայաստանի Հանրապետության կազմաքանդմանը։
Զեկույցը ներկայացնում է, որ 2023 թվականի սեպտեմբերի վերջին Լեռնային Ղարաբաղի հայերի զանգվածային արտագաղթը արդյունք էր Ադրբեջանի երկարաժամկետ և ծրագրավորված էթնիկ զտումների քաղաքականության։
Զեկույցը պատրաստվել է Հայաստանում՝
Թրանսփարենսի Ինթերնեշնլ հակակոռուպցիոն կենտրոնի,
Ժողովրդավարության զարգացման հիմնադրամի,
Հելսինկյան քաղաքացիական ասամբլեայի Վանաձորի գրասենյակի,
Իրավունքների պաշտպանություն առանց սահմանների,
Իրավունքի զարգացման և պաշտպանության հիմնադրամ,
«Հանուն հավասար իրավունքների» ՀԿ-ի և
Արցախում՝ «Քաղաքացիական Հաբ» ՀԿ-ի կողմից։
