Հելսինկյան քաղաքացիական ասամբլեայի Վանաձորի գրասենյակ
Իրավապաշտպան Սաշիկ Սուլթանյանի գործով հերթական դատական նիստը՝ նոյեմբերի 24-ին
2021 թ․ նոյեմբերի 24-ին՝ ժամը 11։00-ին, Երևան քաղաքի ընդհանուր իրավասության դատարանում (ք. Երևան, Տիգրան Մեծի պող. 23/1) տեղի կունենա իրավապաշտպան Սաշիկ Սուլթանյանի գործով հերթական դատական նիստը։
Հիշեցնենք՝ նրան մեղադրանք է առաջադրվել ԱԱԾ-ի քննիչի կողմից, որը Հայաստանում ապրող եզդիների իրավունքների խախտումների մասին խոսելը որակել է որպես ազգային թշնամանքի հարուցում։
Սաշիկ Սուլթանյանի իրավունքների պաշտպանությունն իրականացնում են Հելսինկյան քաղաքացիական ասամբլեայի Վանաձորի գրասենյակի փաստաբաններ Արայիկ Զալյանն ու Սամսոն Գալստյանը։
Սաշիկ Սուլթանյանի նկատմամբ քրեական հետապնդումը դատապարտել են ինչպես հայաստանյան իրավապաշտպան կառույցներն ու քաղհասարակության այլ ներկայացուցիչներ, այնպես էլ միջազգային իրավապաշտպան հեղինակավոր կազմակերպություններ։
ԵԽ մարդու իրավունքների հանձնակատարը ևս պարզաբանումներ է պահանջել` ՀՀ գլխավոր դատախազից իրավապաշտպանի նկատմամբ այս քրեական հետապնդման վերաբերյալ։ Նրա նամակը և ՀՀ գլխավոր դատախազությունից ստացված պատասխանը կհրապարակենք ավելի ուշ։
Հետադարձ կապ
Հելսինկյան քաղաքացիական ասամբլեայի Վանաձորի գրասենյակ
(+374) 322 4 22 68
ՀՔԱ Վանաձորի գրևասենյակի Երևանյան ներկայացուցչություն
(+374) 11 24 22 68
