0 8000 12 11

Մարդու իրավունքների պաշտպանության անվճար թեժ գիծ
menu

Պետական կառույցների, տարածքային կառավարման և տեղական ինքնակառավարման մարմինների կողմից «Տեղեկատվության ազատության մասին» ՀՀ օրենքով սահմանված դրույթների պահպանումը՝ ըստ ՀՔԱ Վանաձորի գրասենյակի 2018 թվականի տվյալների

February 13, 2019

Այլ | Գործունեություն | Զեկույցներ|Տեղեկանքներ|Գրքույկներ | Պետական կառույցներ | Սեփական | Տեղեկատվություն փնտրելու, ստանալու իրավունք | ՏԻՄ գործունեություն | Քաղաքացիական վերահսկողություն և մշտադիտարկում

Ընդհանուր առմամբ 2018թ. ՀՔԱ Վանաձորի գրասենյակն ուղարկել է 1199 գրություն, որոնցից 397-ը ուղղված են եղել պետական կառավարման, տարածքային և տեղական ինքնակառավարման մարմիններին:

 

Ինչպես 2017-ին, այնպես էլ 2018-ին տեղեկատվական հարցումների մեծ մասն ուղղված է եղել տարածքային կառավարման և տեղական ինքնակառավարման մարմիններին (29 %): Սակայն եթե 2017-ին այս շարքում հաջորդ երկու կառույցները զինկոմիսարիատներն ու սոցիալական և առողջապահական ոլորտի կառույցներն են, ապա 2018-ին պատկերը փոխվել է . տեղեկատվական հարցումների 22 %-ն ուղղված  են եղել Վանաձորի դպրոցներին, 10 %-ը՝ ՀՀ դատախազությանն ու ստորաբաժանումներին:

 

Հարցումներին պատասխանելու առումով «ամենապարտաճանաչ» կառույցների շարքում կրկին սոցիալական և առողջապահական բնագավառի կառույցներն են, ՀՀ ոստիկանությունը, ՀՀ դատախազությունը, տարածքային և տեղական ինքնակառավարման մարմինները: Նրանք իրենց ուղղված հարցումներին ամենաշատն են ժամանակին պատասխանել: 2018-ին այս շարքին ավելացել են նաև Վանաձորի դպրոցները. 90 հարցումներից 80-ին պատասխանել են ժամանակին:

 

Եթե 2017-ին սոցիալական և առողջապահական բնագավառի կառույցները այս շարքում հայտնվել էին 46 հարցումներից 44-ին ժամանակին պատասխանելու շնորհիվ, ապա 2018-ին՝ այս կառույցները ժամանակին են պատասխանել նրանց ուղղված բոլոր 17 հարցումներին:

 

ՀՀ պաշտպանության նախարարությունը շարունակում է մնալ ամենաշատ ուշացած պատասխան տրամադրած/ առհասարակ պատասխանած չտրամադրած կառույցը. համեմատության համար նշենք, որ 2018-ին մոտ 5 անգամ նվազել է ՊՆ-ի չպատասխանած գրությունների տեսակարար կշիռը:

 

Ամփոփելով՝ 2018թ․ պետական կառույցների, տարածքային կառավարման և տեղական ինքնակառավարման մարմիններին ուղարկված 397 տեղեկատվական հարցումներից «ժամանակին» են ստացվել 348 հարցման պատասխան (87,65%), ուշացված՝ 41 հարցման պատասխան (10,3%), և 8 հարցման պատասխան չի ստացվել (2,01%):

 

Համեմատության համար նշենք, որ 2017թ․ ուղարկված 401 տեղեկատվական հարցումներից «ժամանակին» են ստացվել 305 հարցման պատասխան(76,05%), ուշացած՝ 54 հարցման պատասխան (13,46%), և 42 հարցման պատասխան չի ստացվել (10,5%):

Տեղեկանքն ամբողջությամբ՝ ԱՅՍՏԵՂ

Դիտումներ՝ 253

Leave a Reply

Your email address will not be published. Required fields are marked *

Հետադարձ կապ

Ընտրել համապատասխան կապը

  • Տառաչափ
    A A A
  • Տառատեսակ
    arial verdana tahoma
  • Հաստություն
    regular light bold
  • Հեռավորություն
    1px 2px 3px
  • Գունային սխեմա
    Սևով սպիտակի վրա Սպիտակով սևի վրա
  • Ֆոնի գույնը
  • Տեքստի գույնը