0 8000 12 11

Մարդու իրավունքների պաշտպանության անվճար թեժ գիծ
menu

Հոկտեմբեր-դեկտեմբեր ամիսներին զորակոչիկների ու զինծառայողների իրավունքների թեմայով դասընթացներ կանցկացվեն Երեւանում, Շիրակի, Արագածոտնի, Արմավիրի,  Կոտայքի, Սյունիքի եւ Վայոց Ձորի  մարզերում․ մասնակցելու համար անհրաժեշտ է գրանցվել

July 25, 2019

Գործունեություն | Ընթացիկ հայտարարություններ | Թափուր աշխատատեղեր, վերապատրաստում | Կարողությունների զարգացում | Հայտարարություններ | Մարդու իրավունքների ուսուցում զորակոչիկների համար

Հելսինկյան քաղաքացիական ասամբլեայի Վանաձորի գրասենյակը 2019 թ.-ի հոկտեմբեր-դեկտեմբեր ամիսներին իրականացնելու է դասընթացներ` Հայաստանի Հանրապետությունում զինվորական հաշվառման ենթակա անձանց, զորակոչիկների, զինծառայողների եւ նրանց հարազատների համար:

 

Դասընթացները նպատակ ունեն զինվորական հաշվառման ենթակա անձանց, զորակոչիկներին, զինծառայողներին եւ նրանց հարազատներին իրազեկել իրենց իրավունքների եւ պարտականությունների մասին, տրամադրել տեղեկություններ վերջին ժամանակահատվածում իրականացված օրենսդրական փոփոխությունների մասին: Դասընթացի ժամանակ մասնակիցները կծանոթանան նախազորակոչային, զորակոչային ժամանակահատվածի եւ զինվորական ծառայության ընթացքում իրենց իրավունքներին եւ պարտականություններին, զորակոչի գործընթացում ներգրավված մարմինների գործունեությանը, անհրաժեշտ ընթացակարգերին, մասնավորապես՝ զինվորական հաշվառման, ծանուցման, բժշկական հետազոտությունների, որոշումների կայացման, որոշումների հետ համաձայն չլինելու դեպքում բողոքարկման մեխանիզմներին եւ այլ հարցերի:

 

Դասընթացին եւ դրանից հետո անհրաժեշտության դեպքում մասնակիցներին կտրամադրվի իրավական եւ բժշկական խորհրդատվություն, կուսումնասիրվի բժշկական փաստաթղթերը, հարկ եղած դեպքում կազմակերպության իրավաբանը կներգրավվի բողոքարկաման եւ դատական պաշտպանության գործընթացում, եթե քաղաքացիները համաձայն չեն իրենց պիտանիության վերաբերյալ կայացված որոշումների հետ:

 

Դասընթացները տեղի կունենան Երեւան քաղաքում, Շիրակի, Արագածոտնի, Արմավիրի,  Կոտայքի, Սյունիքի եւ Վայոց Ձորի  մարզերում: Յուրաքանչյուր մարզում տեղի ունեցող դասընթացների կոնկրետ վայրի եւ օրերի մասին կտեղեկացվի լրացուցիչ:  

 

Դասընթացներին կարող են մասնակցել նշված մարզերի տարբեր քաղաքային եւ գյուղական համայնքներից զորակոչիկներ, զինծառայողներ կամ նրանց հարազատներ:

 

Տրանսպորտային ծախսերը կփոխհատուցվեն:

 

Դասընթացներին մասնակցելու համար կարող եք գրանցվել asadikyan@hcav.am , sgalstyan@hcav.am էլփոստերին նամակ գրելու կամ 0322 4 22 68, 094 042268 հեռախոսահամարներով զանգահարելու միջոցով: 

 

Այս թեմայով նախորդ դասընթացների մասին՝ ԱՅՍՏԵՂ

 

Դիտումներ՝ 514

Leave a Reply

Your email address will not be published. Required fields are marked *

Հետադարձ կապ

Ընտրել համապատասխան կապը


  • Տառաչափ
    A A A
  • Տառատեսակ
    arial verdana tahoma
  • Հաստություն
    regular light bold
  • Հեռավորություն
    1px 2px 3px
  • Գունային սխեմա
    Սևով սպիտակի վրա Սպիտակով սևի վրա
  • Ֆոնի գույնը
  • Տեքստի գույնը