Հելսինկյան քաղաքացիական ասամբլեայի Վանաձորի գրասենյակ

Իրազեկման դասընթաց «ՀՀ զինվորական հաշվառման ենթակա անձանց, զորակոչիկների և զինծառայողների իրավունքների և պարտականությունների մասին» թեմայով։

ՀՔԱ Վանաձորի գրասենյակը հրավիրում է լոռեցի երիտասարդներին և հետաքրքրված անձանց մասնակցելու զինվորական հաշվառման ենթակա անձանց, զորակոչիկների, զինծառայողների եւ նրանց հարազատների համար կազմակերպվող դասընթացին։

Դասընթացը նպատակ ունի զինվորական հաշվառման ենթակա անձանց, զորակոչիկներին, զինծառայողներին եւ նրանց հարազատներին իրազեկել իրենց իրավունքների եւ պարտականությունների մասին, տրամադրել տեղեկություններ վերջին ժամանակահատվածում իրականացված օրենսդրական փոփոխությունների մասին:

Դասընթացի ժամանակ մասնակիցները կծանոթանան նախազորակոչային, զորակոչային ժամանակահատվածի եւ զինվորական ծառայության ընթացքում իրենց իրավունքներին եւ պարտականություններին, զորակոչի գործընթացում ներգրավված մարմինների գործունեությանը, անհրաժեշտ ընթացակարգերին, մասնավորապես՝ զինվորական հաշվառման, ծանուցման, բժշկական հետազոտությունների, որոշումների կայացման, որոշումների հետ համաձայն չլինելու դեպքում բողոքարկման մեխանիզմներին եւ այլ հարցերի:

Դասընթացին եւ դրանից հետո անհրաժեշտության դեպքում մասնակիցներին կտրամադրվի իրավական եւ բժշկական խորհրդատվություն, հարկ եղած դեպքում կազմակերպության իրավաբանը կներգրավվի բողոքարկաման եւ դատական պաշտպանության գործընթացում, եթե քաղաքացիները համաձայն չեն իրենց պիտանիության վերաբերյալ կայացված որոշումների հետ:

Դասընթացը տեղի կունենա՝
Վանաձոր քաղաքում (վայրի մասին մանրամասները կտրամադրվեն մասնակիցներին),
Ս/թ փետրվարի 09-ին,

։ՈՒՇԱԴՐՈՒԹՅՈՒՆ։

Մասնակցության համար խնդրում ենք մինչև ս/թ փետրվարի 05-ը լրացնել այս հայտադիմումը։
Մասնակիցների քանակը խիստ սահմանափակ է և առաջնահերթությունը կտրվի դիմումն առաջինը լրացրած և գյուղական համայնքներից դիմած մասնակիցներին։

Մարզի այլ համայնքներից ժամանող մասնակիցների համար կկազմակերպվի տեղափոխումը։

Հարցերի դեպքում գրեք vahekhachikyan94@gmail.com էլ․ փոստի հասցեին։