0 8000 12 11

Մարդու իրավունքների պաշտպանության անվճար թեժ գիծ
menu

Զորակոչիկների ու զինծառայողների իրավունքների վերաբերյալ դասընթացներ՝ ՀՀ 4 մարզերում

July 16, 2019

Գործունեություն | Իրավական աջակցություն | Իրավական աջակցություն | Կարողությունների զարգացում | Հրապարակումներ | Մարդու իրավունքների ուսուցում զորակոչիկների համար | Նորություններ

Հելսինկյան քաղաքացիական ասամբլեայի Վանաձորի գրասենյակը շարունակում է իրազեկել զորակոչիկներին, զինծառայողներին ու նրանց ընտանիքներին նրանց իրավունքների և պարտականությունների մասին։

 

2019թ․ հունիս-հուլիս ամիսներին «Ժողովրդավարության ազգային հիմնադրամի» (NED) ֆինանսավորմամբ «Զորակոչիկների եւ զինծառայողների իրավունքների պաշտպանություն» ծրագրի շրջանակում ՀՔԱ Վանաձորի գրասենյակի խաղաղասիրական ծրագրերի համակարգող Արմինե Սադիկյանն ու Կազմակերպության փաստաբան Սյուզաննա Սողոմոնյանը դասընթացներ անցկացրին Տավուշի, Արարատի, Լոռու և Գեղարքունիքի մարզերում։

 

 

Ծրագրի շրջանակում դասընթացների շարքը նպատակ ունի ՀՀ բոլոր մարզերի և մայրաքաղաքի բնակչության շրջանում բարձրացնել իրազեկվածության մակարդակը՝ ՀՀ-ում զինվորական հաշվառման ենթական անձանց, զորակոչիկների և զինծառայողների իրավունքների և պարտականությունների վերաբերյալ։

 

Մասնակցիներն իրազեկվում են իրենց իրավունքների, պարտականությունների, օրենսդրական փոփոխությունների, ոլորտում գործող մարմինների գործունեության ու ընթացակարգերի մասին։

 

 

Ներկայացվում և մասնակիցներին է տրամադրվում նաև ՀՀ-ում զինվորական հաշվառման ենթակա անձանց, զորակոչիկների եւ զինծառայողների իրավունքների և պարտականությունների վերաբերյալ տեղեկատվական գրքույկը, որը հասանելի է Կազմակերպության կայքէջում և օրենսդրական փոփոխություններով պայմանավորված՝ անընդհատ թարմացվում է։

 

 

Դասընթացների շրջանակում անհրաժեշտության դեպքում իրավաբանական խորհրդատվության կարիք ունեցող անձանց ՀՔԱ Վանաձորի գրասենյակի ներկայացուցիչները տրամադրում են անվճար բանավոր խորհրդատվություն, անհրաժեշտության դեպքում հետագայում տրամադրվում է նաև գրավոր իրավական աջակցություն։

 

 

Այլ լուսանկարներ հասանելի են ԱՅՍՏԵՂ

Դիտումներ՝ 167

Leave a Reply

Your email address will not be published. Required fields are marked *

Հետադարձ կապ

Ընտրել համապատասխան կապը


  • Տառաչափ
    A A A
  • Տառատեսակ
    arial verdana tahoma
  • Հաստություն
    regular light bold
  • Հեռավորություն
    1px 2px 3px
  • Գունային սխեմա
    Սևով սպիտակի վրա Սպիտակով սևի վրա
  • Ֆոնի գույնը
  • Տեքստի գույնը