Հելսինկյան քաղաքացիական ասամբլեայի Վանաձորի գրասենյակ
ՀՔԱՎ-ը աջակցում է Ուկրաինայի ներկայացուցիչ Օ․ Մատվիյչուկի թեկնածությանը՝ ՄԱԿ -ի խոշտանգումների դեմ կոմիտեում
2021 թվականի հոկտեմբերի 11 -ին ՄԱԿ -ի անդամ երկրները Խոշտանգումների դեմ կոմիտեի հինգ նոր անդամ են ընտրելու: Այս տարի Ուկրաինան որպես կոմիտեի անդամության թեկնածու է առաջադրել մեր գործընկեր Օլեքսանդրա Մատվիյչուկին, որը միջազգայնորեն ճանաչված իրավապաշտպան է, այդ ոլորտում մրցանակների դափնեկիր, միջազգային կառույցների հետ համագործակցության մեծ փորձով։ Ընտրվելու դեպքում նա հանձնառել է նաև հատուկ ուշադրություն դարձնել սեռական և գենդերային բռնության խնդիրներին (ներառյալ զինված հակամարտությունների ժամանակ), ինչը արդիական խնդիր է ամբողջ աշխարհում:
Հաշվի առնելով այս հանգամանքները և մեր երկարամյա համագործակցությունը Օ․ Մատվիյչուկի հետ՝ ՀՔԱՎ-ը դիմել է ՀՀ արտաքին գործերի նախարար Արարատ Միրզոյանին՝ աջակցելու Օ․ Մատվիյչուկի թեկնածությանը և քվեարկելու նրա օգտին։ ՀՔԱՎ-ը վստահություն է հայտնում, որ Կոմիտեի աշխատանքները Օ․ Մատվիյչուկի մասնակցությամբ ավելի արդյունավետ կլինեն։
Մենք նաև Թվիթերում ենք մեր աջակցությունը հայտնել մեր գործընկերոջը։
Հետադարձ կապ
Հելսինկյան քաղաքացիական ասամբլեայի Վանաձորի գրասենյակ
(+374) 322 4 22 68
ՀՔԱ Վանաձորի գրևասենյակի Երևանյան ներկայացուցչություն
(+374) 11 24 22 68
Leave a Reply