0 8000 12 11

Մարդու իրավունքների պաշտպանության անվճար թեժ գիծ
menu

Վերաքննիչ դատարանը սեպտեմբերի 18-ին նշանակված դատական նիստի մասին ծանուցումը պաշտպանին ուղարկել է սեպտեմբերի 19-ին

September 25, 2018

Արման Հովսեփյան | Գործունեություն | Իրավական աջակցություն | Իրավական աջակցություն | Նորություններ

ՀՀ Վերաքննիչ քրեական դատարանը 2018 թ. սեպտեմբերի 18-ին կայանալիք նիստի մասին ծանուցումը ՀՔԱ Վանաձորի գրասենյակի փաստաբան Արայիկ Զալյանին ուղարկել է 2018թ. սեպտեմբերի 19-ին, իսկ ծրարը փոստային համակարգով ՀՔԱ Վանաձորի գրասենյակ է հասել միայն սեպտեմբերի 22-ին՝ դատական նիստից 4 օր անց:

ՀՀ Վերաքննիչ քրեական դատարանը 2018թ. սեպտեմբերի 18-ին նշանակված դատական նիստում քննելու էր ոստիկանների դեմ սուտ ցուցմունք տալու մեջ մեղադրվող Արման Հովսեփյանի արդարացման դատավճռի դեմ դատախազ Ա. Շահբազյանի վերաքննիչ բողոքը:

Երևան քաղաքի ընդհանուր իրավասության դատարանը արադարացման դատավճիռ էր կայացրել 2018 թ. հուլիսի 18-ին:

Ուշագրավ է, որ ծանուցումը փոստ է հանձնվել դատական նիստի հաջորդ օրը, երբ դա արդեն ոչ մի նշանակություն չուներ, և տպավորություն է, որ ՀՀ Վերաքննիչ քրեական դատարանի աշխատակազմը պարզապես, այսպես ասած, «պլան է կատարել» մի կողմից, մյուս կողմից՝ փաստացի իր այդ գործողությամբ խոչընդոտել է ամբաստանյալի պաշտպանի՝ դատական նիստին մասնակցությունը:

Նկատենք, որ դատական նիստերի մասին ծանուցումները հաճախ են ՀՔԱ Վանաձորի գրասենյակ հասնում ուշացած՝ կամ նիստից հետո, կամ հենց նիստի օրը, երբ երկու դեպքում էլ անհնար է լինում մասնակցել նիստին: Բայց դրանց վրա նշված ամսաթվերից դատելով՝ կարելի է ենթադրել, որ փոստ են հանձնվել ավելի վաղ, պարզապես ինչ-ինչ պատճառներով ուշ են հասել հասցեատիրոջը:

 

Իսկ այս դեպքում նույնիսկ ժամանակին ծանուցելու իմիտացիան չկար. արդեն կայացած դատական նիստին հրավիրելը առնվազն անտրամաբանական է:

 

Դիտումներ՝ 1033

Leave a Reply

Your email address will not be published. Required fields are marked *

Հետադարձ կապ

Ընտրել համապատասխան կապը


  • Տառաչափ
    A A A
  • Տառատեսակ
    arial verdana tahoma
  • Հաստություն
    regular light bold
  • Հեռավորություն
    1px 2px 3px
  • Գունային սխեմա
    Սևով սպիտակի վրա Սպիտակով սևի վրա
  • Ֆոնի գույնը
  • Տեքստի գույնը