0 8000 12 11

Մարդու իրավունքների պաշտպանության անվճար թեժ գիծ
menu

2019 թ․-ի նոյեմբերի 15-ին հայտնի կդառնան լրագրողական մրցույթների հաղթողները

November 13, 2019

Գործունեություն | Խոշտանգումներից զերծ մնալու իրավունք | Մամուլի հաղորդագրություններ | Պետական կառույցներ | Փակ և կիսափակ հաստատություններ | Քաղաքացիական վերահսկողություն և մշտադիտարկում

 

Նոյեմբերի 15-ին` ժամը 14:30-ին, կամփոփվեն «Հանրային հայացք՝ փակ աշխարհին. մարդու իրավունքների իրավիճակը Հայաստանի փակ հաստատություններում» և «Խոշտանգումներից և այլ դաժան, անմարդկային կամ արժանապատվությունը նվաստացնող վերաբերմունքից կամ պատժից զերծ մնալու բացարձակ իրավունքի իրացման վիճակի վերաբերյալ» լրագրողական նյութերի մրցույթներն ու հայտնի կադառնան հաղթողները:

 

«Հանրային հայացք՝ փակ աշխարհին. մարդու իրավունքների իրավիճակը Հայաստանի փակ հաստատություններում» լրագրողական մրցույթն անցկացվում է համանուն ծրագրի շրջանակում, որն իրականացվում է Եվրոպական Միության և Բաց հասարակության հիմնադրամներ – Հայաստանի ֆինանսավորմամբ «Հանրային լրագրության ակումբ» ՀԿ-ի և «Հետաքննող լրագրողներ» ՀԿ-ի կողմից։

 

«Խոշտանգումներից և այլ դաժան, անմարդկային կամ արժանապատվությունը նվաստացնող վերաբերմունքից կամ պատժից զերծ մնալու բացարձակ իրավունքի իրացման վիճակի վերաբերյալ» լրագրողական նյութերի մրցույթը հայտարարվել է Եվրոպական միության ֆինանսավորմամբ Հելսինկյան քաղաքացիական ասամբլեայի Վանաձորի գրասենյակի և Խոշտանգման զոհերի հոգեսոցիալական և բժշկական վերականգնողական վրացական կենտրոնի (GCRT) հետ համատեղ իրականացվող «Պայքար խոշտանգման և վատ վերաբերմունքի դեմ Վրաստանում, Հայաստանում և Ուկրաինայում» ծրագրի շրջանակում:

 

Երկու մրցույթների մրցանակաբաշխության հանդիսավոր արարողությունն անցկացվելու է 2019 թ.-ի նոյեմբերի 15-ին` ժամը 14:30-ին, Մարիոթ հյուրանոցի Արարատ սրահում (Ամիրյան փող., 1 շենք), Հայաստանում հավատարմագրված արտակարգ և լիազոր դեսպանների, քաղաքացիական հասարակության, լրագրողական համայնքի, միջազգային կառույցների և պետական կառույցների ներկայացուցիչների մասնակցությամբ։

 

Երկու մրցույթի շրջանակում դիտարկվել է շուրջ 90 լրագրողական նյութ, որոնցից հեղինակավոր և անկախ ժյուրին ընտրել է լավագույններին:

 

Հայտարարված մրցույթի անվանակարգերն էին՝

 

  • Լավագույն հետաքննական նյութ
  • Լավագույն մարդկային պատմություն
  • Լավագույն հեռուստահաղորդում
  • Լավագույն հեռուստառեպորտաժ
  • Լավագույն ռադիոնյութ/պոդքասթ
  • Լավագույն առցանց նյութ
  • Լավագույն մուլտիմեդիա նյութ
  • Լավագույն ֆոտոպատմություն

 

Քրեակատարողական հիմնարկներում առկա խնդիրներին ամեն օր բախվող/բախված մարդկանց ձայնի հնարավորություն ընձեռելու և համակարգային փոփոխությունները խթանելու նպատակով մրցույթի շրջանակներում սահմանվել էր հատուկ անվանակարգ՝ լրագրողական ժանրերում ստեղծագործող նախկին/ներկա բանտարկյալների համար։

 

Մրցանակաբաշխության ժամանակ 17 լրագրողական աշխատանք կարժանանա մրցանակի, նախատեսվում են նաև խրախուսական մրցանակներ միջազգային կազմակերպությունների և պետական կառույցների կողմից:

 

Լրագրողական աշխատանքների մրցույթները հայտարարվել են 2019թ.-ի փետրվարին՝ Հայաստանի փակ կառույցներում, հատուկ խնամքի հաստատություններում, հոգեկան առողջության կենտրոններում, հատուկ դպրոցներում և բանակում մեդիա լուսաբանումը, ինչպես նաև խոշտանգումներից և այլ դաժան, անմարդկային կամ արժանապատվությունը նվաստացնող վերաբերմունքից կամ պատժից զերծ մնալու բացարձակ իրավունքի իրացման վիճակի լուսաբանումը խթանելու և այս ոլորտներում մարդու իրավունքների խնդիրներին ուշադրություն հրավիրելու, մարդու իրավունքների խնդիրների լուսաբանման որակը բարձրացնելու նպատակով։

 

Հանրային լրագրության ակումբի և ՀՔԱ Վանաձորի գրասենյակի հայտարարած մեդիա մրցույթների մասին կարող եք ծանոթանալ այստեղ և այստեղ:

 

Մրցանակաբաշխությանը նախորդելու է «Մարտահրավերներ և բարեփոխումներ մարդու իրավունքները փակ հաստատություններում» թեմայով համաժողովը, որի մանրամասներին կարող եք ծանոթանալ այստեղ:

 

Այս նյութը պատրաստվել է Եվրոպական միության աջակցությամբ։ Բովանդակության համար պատասխանատվություն է կրում հեղինակը՝ ՀՔԱ Վանաձորի գրասենյակը, և պարտադիր չէ, որ այն արտահայտի Եվրոպական միության տեսակետները։
 
This material has been produced with the assistance of the European Union. Its contents are the sole responsibility of HCA Vanadzor and do not necessarily reflect the views of the European Union."

 

    

 

Դիտումներ՝ 88

Leave a Reply

Your email address will not be published. Required fields are marked *

Հետադարձ կապ

Ընտրել համապատասխան կապը


  • Տառաչափ
    A A A
  • Տառատեսակ
    arial verdana tahoma
  • Հաստություն
    regular light bold
  • Հեռավորություն
    1px 2px 3px
  • Գունային սխեմա
    Սևով սպիտակի վրա Սպիտակով սևի վրա
  • Ֆոնի գույնը
  • Տեքստի գույնը