Helsinki Citizens' Assembly-Vanadzor

menu

Դատարանին այդպես էլ չհաջողվեց մեկ ցուցմունքով գողության մեջ մեղադրվող Հովիկ Մատինյանին ՔԿՀ-ից դատարան բերել. նիստը կրկին հետաձգվեց

October 3, 2018

Արդար դատաքննության իրավունք | Գործունեություն | Իրավական աջակցություն | Իրավական աջակցություն | Նորություններ

2018թ. հոկտեմբերի 1-ին Լոռու մարզի ընդհանուր իրավասության դատարանում նշանակված էր մեկ ցուցմունքով գողության մեջ մեղադրվող Հովիկ Մատինյանի գործի քննությունը:

 

2017 թ. հոկտեմբերին ՌԴ-ից Գյուլագարակ գյուղում հյուրընկալված Հ. Մատինյանին 700.000 ՀՀ դրամ արժողությամբ ոսկյա զարդերի գողության մեջ մեղադրել է գյուղի մեկ այլ բնակիչ՝ Ա. Մատինյանը: Ընդ որում՝ նա գողություն անողին նախ այլ կերպ է նկարագրել, հետո փոխել է ցուցմունքը՝ պատճառաբանելով, թե գողության օրը շփոթված է եղել:

 

Տուժողի ցուցմունքից բացի՝ քրեական գործում Հովիկ Մատինյանի մեղքն ապացուցող այլ փաստեր չկան: Ամբաստանյալն ու հարազատները պնդում են, որ նա գողության մեջ հանիրավի է մեղադրվում:

 

Անձին մեկ ցուցմունքի հիման վրա մեղադրանք առաջադրելը հակասում է ՀՀ Վճռաբեկ  և Մարդու իրավունքների եվրոպական դատարանների նախադեպային որոշումներին:

 

Հովիկ Մատինյանի շահերը դատարանում պաշտպանում են փաստաբան Արշակ Մկոյանն ու ՀՔԱ Վանաձորի գրասենյակի փաստաբան Անի Չատինյանը:

 

2018թ. հոկտեմբերի 1-ին դատավոր Ս. Բաղդասարյանը նախ մեկ ժամ ուշացումով եկավ նիստի դահլիճ, ապա հայտարարեց, որ դատական նիստը պետք է հետաձգվի, քանի որ ամբաստանյալին դատարան չեն բերել: Նրա խոսքով՝ պատճառն այն էր, որ դատարանի գրությունը քրեակատարողական հիմնարկում չէր ստացվել դեռևս, և նրանք մեկ ժամ փորձում էին ապահովել ամբաստանյալի ներկայությունը դատարանում, սակայն այդպես էլ չի հաջողվել:

 

 

Հաջորդ դատական նիստը նշանակվեց 2018թ. հոկտեմբերի 9-ին՝ ժամը 12:30-ին:

 

Հովիկ Մատինյանի հարազատները, որոնք ներկա էին դատարանի դահլիճում, կրկին իրենց դժգոհությունը հայտնեցին գործի ձգձգումից, քանի որ դատարանը մերժում է պաշտպանների՝ խափանման միջոցը փոխելու միջնորդությունները, և Հ. Մատինյանը շուրջ մեկ տարի անազատության մեջ է:

 

Նախորդ դատական նիստն էլ 1 ամսով հետաձգվել էր՝ առանց սկսվելու և դատավորի՝ դահլիճ ներկայանալու:

 

Մի կողմից դատարանը մերժում է պաշտպանական կողմի՝ կալանքից ազատելու բոլոր միջնորդությունները՝ Հ. Մատինյանին թողնելով անազատության մեջ, մյուս կողմից՝ իրար հետևից տարբեր անտրամաբանական պատճառներով հետաձգում դատական նիստերը՝ ձգձգելով գործի քննությունը:

 

Դատարանն անթույլատրելի է համարում խափանման միջոց գրավի կիրառումը՝ պնդելով, թե դա չի չեզոքացնում կալանավորման հիմքերը, միաժամանակ չի կարողանում ապահովել անազատության մեջ գտնող ամբաստանյալի՝ դատական նիստերին մասնակցությունը:

 

Մեր գնահատմամբ՝ սա Մարդու իրավունքների եվրոպական կոնվենցիայով երաշխավորված արդար դատաքննության ողջամիտ ժամկետների խախտում է:

 

Դիտումներ՝ 2079

Leave a Reply

Your email address will not be published. Required fields are marked *

Հետադարձ կապ

Ընտրել համապատասխան կապը

  • ???????
    A A A
  • ?????????
    arial verdana tahoma
  • ???????????
    regular light bold
  • ??????????????
    1px 2px 3px
  • ???????? ?????
    ???? ??????? ??? ???????? ??? ???
  • ???? ??????
  • ?????? ??????