0 8000 12 11

FREE Hotline to report human rights violations

(Armenian) Սարի թաղի ցուցարարներ Հրաչյա Բոյաջյանի, Արման Ադամյանի ու Ժորա Ավետիսյանի նկատմամբ ևս համաներում կիրառվեց

November 29, 2018

Activities | Legal Support | Legal Support | Hrachya Boyajyan | News

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

2018թ. նոյեմբերի 21-ին Երևան քաղաքի ընդհանուր իրավասության դատարանը, դատավոր Ա. Դանիբեկյանի նախագահությամբ, համաներմամբ դադարեցրել է քրեական հետապնդումը Սարի թաղի ցուցարարներ Հրաչյա Բոյաջյանի, Արման Ադամյանի ու Ժորա Ավետիսյանի նկատմամբ:

 

Հրաչյա Բոյաջյանի պաշտպան,  Հելսինկյան քաղաքացիական ասամբլեայի Վանաձորի գրասենյակի փաստաբան Արայիկ Զալյանը դատարանի որոշումն ստացել է երեկ՝ նոյեմբերի 28-ին:

 

Երևան քաղաքի ընդհանուր իրավասության դատարանը կիրառել է «Էրեբունի-Երևանի հիմնադրման 2800-ամյակի և Հայաստանի առաջին հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» 2018թ. նոյեմբերի 1-ին ընդունված ՀՀ օրենքն ու կարճել նրանց դեմ 2016թ. հուլիսին հարուցված քրեական գործը:

 

Ավելի վաղ՝ 2018թ. հունիսի 26-ին պաշտպանների միջնորդությամբ դատարանն ազատել էր նրանց կալանքից և խափանման միջոց կալանքը փոխարինել ստորագրություն չհեռանալու մասին խափանման միջոցով:

 

Դատախազ Գ. Գևորգյանը դատարանի այդ որոշումը Հրաչյա Բոյաջյանի մասով բողոքարկել էր վերաքննիչ դատարանում՝ պատճառաբանելով, թե քննության ընթացքի վրա նրա ազդելու և վարույթն իրականացնող մարմնից թաքնվելու հավանականություն դեռևս կա: Սակայն 2018թ. հոկտեմբերի 4-ին ՀՀ Վերաքննիչ քրեական դատարանը, դատավոր Ա. Նիկողոսյանի նախագահությամբ, մերժել էր դատախազի վերաքննիչ բողոքը և փաստել, որ գործի քննությանը խոչընդոտելու հավանակությունը զգալիորեն նվազեցված է:

 

ՀՀ Ճանապարհային ոստիկանությունը 2018թ. նոյեմբերի 16-ին 150.000 ՀՀ դրամի չափով նյութական վնասի փոխհատուցում էր պահանջել Հրաչյա Բոյաջյանից, Արման Ադամյանից ու Ժորա Ավետիսյանից:

 

Համաներում կիրառելու որոշման մեջ դատարանն անդրադարձել է նաև ՀՀ Ճանապարհային ոստիկանության վնասի փոխհատուցման հայցադիմումին և որոշել այն թողնել առանց քննության: Դատարանը մեկնաբանել է, որ վնասի փոխհատուցմանը կարող է անդրադառնալ ամբաստանյալների մեղքն ապացուցված լինելու դեպքում, ինչ այս պարագայում առկա չէ:

 

Դատարանը միաժամանակ պարզաբանել է քաղաքացիական դատավարության կարգով քաղաքացիական հայց հարուցելու հայցվորի իրավունքը:

 

views: 1240

Leave a Reply

Your email address will not be published. Required fields are marked *

Feedback

Select the relevant connection


  • Font size
    A A A
  • Font
    arial verdana tahoma
  • Thickness
    regular light bold
  • Spacing
    1px 2px 3px
  • Color scheme
    Black on a white background White on a black background
  • Background color
  • Text color