Հելսինկյան քաղաքացիական ասամբլեայի Վանաձորի գրասենյակ

«Ինֆոքոմ»-ի հրապարակած հետաքննական հոդվածի հիման վրա «Անկախ դիտորդը» հանցագործության մասին հաղորդում է ներկայացրել ՀՀ Գլխավոր դատախազություն։ 

Հիշեցնենք, որ «Ինֆոքոմ»-ի լրագրողները  հետաքննել են 2023 թվականի Երևան քաղաքի ավագանու ընտրություններին ընդառաջ կազմակերպված «Քաղաքացիական պայմանագիր» կուսակցության  «դրամահավաքը», պարզել, որ ընտրությունների ընթացքում ՔՊ-ի նախընտրական քարոզարշավը ֆինանսավորվել է անհայտ աղբյուրներից՝ կասկածելի գործարքների միջոցով։ Դրամահավաքի որոշ մասնակիցներ անգամ տեղյակ չեն եղել, որ մասնակցել են դրամահավաքին և իրենց անունից միլիոնավոր դրամներ են փոխանցվել ՔՊ-ին։ 

ՀՔԱՎ գրասենյակի նախագահ Արթուր Սաքունցի խոսքով Ինֆոքոմի հետաքննական նյութը ևս մեկ անգամ ցույց է տալիս, որ երկար ժամանակ Հայաստանում կիրառված այս արատավոր պրակտիկան, որը քաղաքական կոռուպցիայի դրսևորում է, մնում է չհաղթահարված։ Իրավապահ մարմինները բոլոր ջանքերը պետք է գործադրեն կոռուպցիոն բնույթի այս հանցագործությունը բացահայտելու, իրավական գնահատական տալու, բոլոր մեղավորների պատասանատվության ենթարկելու համար, որի պարագայում, միայն, կարող են հիմնավորել կոռուպցիայի դեմ պայքարի իրենց կամքի առկայությունը։

Իրազեկ քաղաքացիների միավորում ՀԿ-ի ծրագրերի ղեկավար Դանիել Իոաննիսյանը նշում է, որ եթե այս դեպքով պատշաճ քննություն չլինի, դա կանաչ լույս կվառի բոլորի համար։

Ինֆոքոմի հետաքննական նյութի մանրամասները ԱՅՍՏԵՂ։