0 8000 12 11

Մարդու իրավունքների պաշտպանության անվճար թեժ գիծ
menu

Նարինե Ավետիսյանի լրագրողական մասնագիտական գործունեությունը խոչընդոտելու գործի դատաքննությունը վերսկսվել է

December 26, 2018

Գործունեություն | Իրավական աջակցություն | Իրավական աջակցություն | Նարինե Ավետիսյան | Նորություններ

Այսօր՝ 2018թ. դեկտեմբերի 26-ին, Լոռու մարզի ընդհանուր իրավասության դատարանը վերսկսեց Լոռի հեռուստաընկերության գլխավոր խմբագիր Նարինե Ավետիսյանի լրագրողական մասնագիտական գործունեությունը խոչընդոտելու գործի քննությունը:

 

Հիշեցնենք՝ դեպքը տեղի է ունեցել 2017 թ. սեպտեմբերի 28-ին Վանաձոր քաղաքի Սուրբ Աստվածածին եկեղեցու հարակից կամրջի վրա, երբ Նարինե Ավետիսյանը փորձել է նկարահանել հորդառատ անձրևի տակ իրականացվող ասֆալտապատման աշխատանքները:

 

ՀՀ Քրեական օրենսգրքի 164 հոդվածի 1-ին մասով նախատեսված արարք կատարելու համար (Լրագրողի մասնագիտական օրինական գործունեությանը խոչընդոտելը) մեղադրանք է առաջադրվել Շինպլյուս ընկերության տնօրեն Տիգրան Նազարյանին ու նույն ընկերության աշխատակից Վրեժ Խաչատրյանին:

 

Նարինե Ավետիսյանի իրավունքների պաշտպանությունն ստանձնել է Հելսինկյան քաղաքացիական ասամբլեայի Վանաձորի գրասենյակը, Կազմակերպության նախագահ Արթուր Սաքունցն ու փաստաբան Սյուզաննա Սողոմոնյանը դատարանում նրա ներկայացուցիչներն են:

 

Դատավոր Լուսինե Աբգարյանի նախագահությամբ տուժողին և վկաներին հարցաքննելուց հետո, դատավորի փոփոխությամբ պայմանավորված, Սուսաննա Գզոգյանի նախագահությամբ գործի քննությունը վերսկսվել է: Այսօր դատարանը կողմերի ինքնությունը և միջնորդություններ ներկայացնելու հարցը ճշտելուց հետո սահմանեց դատաքննության կարգը: Ամբաստանյալները շարունակեցին պնդել, որ մեղադրանքը չեն ընդունում:

 

Քանի որ տուժող Նարինե Ավետիսյանն առողջական խնդիրների պատճառով դատական նիստին չէր ներկայացել, նիստը հետաձգվեց և նշանակվեց 2019 թ. փետրվարի 27-ին՝ ժամը 12:00-ին: Դատարանը առաջինը կլսի տուժողին:

 

Դիտումներ՝ 492

Leave a Reply

Your email address will not be published. Required fields are marked *

Հետադարձ կապ

Ընտրել համապատասխան կապը

  • Տառաչափ
    A A A
  • Տառատեսակ
    arial verdana tahoma
  • Հաստություն
    regular light bold
  • Հեռավորություն
    1px 2px 3px
  • Գունային սխեմա
    Սևով սպիտակի վրա Սպիտակով սևի վրա
  • Ֆոնի գույնը
  • Տեքստի գույնը