Հելսինկյան քաղաքացիական ասամբլեայի Վանաձորի գրասենյակ
Իշխանափոխությունից հետո էլ նման մրցույթներում հաղթում են իշխանություն ունեցող անձանց մտերիմները, հարազատները. իրավապաշտպան
Ակհայտ է, որ այստեղ կա առնվազն շահերի բախում։ Իրավապաշտպան Արթուր Սաքունցը այսպես է արձագանքում ԱԺ նախագահ Ալեն Սիմոնյանի եղբոր ղեկավարած ընկերությանը բյուջեից մի քանի հարյուր միլիոն դրամի հասնող շինարարական պատվերներ տալուն։
«Հետք» պարբերականն էր պարզել, որ Կառլեն Սիմոնյանի ղեկավարած «ԵվրոԱսֆալտ» ընկերությունը շահել է Ապարանի ներհամայնքային ճանապարհներն ասֆալտապատելու մրցույթը և պայմանագիր կնքել: Ներհամայնքային ճանապարհների ասֆալտապատուման համար ընկերությունը կստանա 287 մլն դրամ։
Մրցույթին մասնակցել է 5 ընկերություն, սակայն ամենաէժան տարբերակը առաջարկել է «ԵվրոԱսֆալտ» ՓԲԸ-ն։
«Իշխանության փոփոխությունի հետո էլ, երբ որ նման մրցույթներում զարմանալի օրինաչափությամբ հաղթում էին իշխանություն ունեցող անձանց մտերիմները, հարազատները, կամ նրանց հետ կապակցված անձինք, դա արդեն իսկ խոսում է կոռուպցիոն ռիսկերի մասին, և պետք է անպայման քննության առարկա դառնա», - «Ազատության» հետ զրույցում ասաց Սաքունցը։
Հետադարձ կապ
Հելսինկյան քաղաքացիական ասամբլեայի Վանաձորի գրասենյակ
(+374) 322 4 22 68
ՀՔԱ Վանաձորի գրևասենյակի Երևանյան ներկայացուցչություն
(+374) 11 24 22 68
