Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Բանակում ոչ մարտական պայմաններում մահվան՝ սպանության ու ինքնասպանության դեպքերը ազդակներ են, որ բանակում բարեփոխումները բավարար չեն, կարծում է Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը, որ զբաղվում է բանակի միջադեպերով։ Դեպքերի ամբողջ պատասխանատվությունը, ըստ Սաքունցի, առաջին հերթին կրում է Գլխավոր շտաբը։

«Պատերազմից հետո մոտեցումները պետք է լինեին շատ ավելի արմատական, շատ ավելի ջանք պիտի գործադրվեր։ Եվ մենք, ցավոք սրտի, արձանագրում ենք, պատերազմից հետո հաջորդ տարվա ընթացքում այդ խնդիրները չլուծվեցին։ Մենք շատ ենք կարևորում բարեփոխումները, արմատական վերափոխումը, բայց մինչև հիմա մեզ հայտնի չի նաև Զինված ուժերի վերականգնման կամ բարեփոխման հայեցակարգը։ Առաջին հերթին, իհարկե, պատասխանատվությունը կրում է Զինված ուժերի գլխավոր շտաբը։ Որովհետև Զինված ուժերի գլխավոր շտաբն է անմիջական պատասխանատուն զինվորականության ծառայության կազմակերպման համար», - «Ազատության» հետ զրույցում ասաց Սաքունցը։

Մի քանի ժամվա տարբերությամբ տարբեր զորամասերում զինվորների մահվան լուրերը վկայում են այն մասին, որ բանակում ոչինչ չի փոխվել, պնդում է իրավապաշտպան Ժաննա Ալեքսանյանը, որը նույնպես զբաղվում է զինված ուժերի խնդիրներով. - «Նախկինների և ներկա իշխանությունների օրոք բան չի փոխվել։ Ինչպես կար բանակը, էդ մթնոլորտը, մահվան դեպքերը, դրանք ոչ թե նվազել են, այլ դրանք ավելացել են էս իշխանությունների օրոք։ Եվ էն բարեփոխումների մասին որ խոսում են, ոչինչ չի արվում։ Էս մահվան դեպքերը հենց դա են ցույց տալիս, որ ոչինչ չի արվում»։