Հելսինկյան քաղաքացիական ասամբլեայի Վանաձորի գրասենյակ
ՀՔԱՎ-ը հաղորդում է ներկայացրել ցուցարարին բռնության ենթարկելու հրապարակման հիման վրա
Գործունեություն | Իրավական աջակցություն | Իրավական աջակցություն | Նորություններ
Հելսինկյան քաղաքացիական ասամբլեայի Վանաձորի գրասենյակը այսօր՝ 2022 թ․ մայիսի 2-ին, ՀՀ գլխավոր դատախազին հանցագործության մասին հաղորդում է ներկայացրել aravot.am-ի «Կողերի կոտրվածք ստացած ցուցարարը Էրեբունի հիվանդանոցից դուրս է եկել ու գալիս է Ֆրանսիայի հրապարակ՝ միանալու մեզ. Էլինար Վարդանյան» նյութի հիման վրա։
Նյութի մեջ տեղեկություններ են հաղորդվում ոստիկանների կողմից ցուցարարներին բռնության ենթարկելու մասին։
Ավելի վաղ ՀՔԱ Վանաձորի գրասենյակը հանցագործության մասին մեկ այլ հաղորդում էր ներկայացրել ցուցարարների և լրատվամիջոցների ներկայացուցիչների նկատմամբ բռնություն գործադրելու դեպքերի վերաբերյալ։
ՀՔԱՎ-ը ՀՀ գլխավոր դատախազից պահանջել է միջոցներ ձեռնարկել հաղորդմամբ ներկայացված նյութով արձանագրված դեպքերի շուրջ համապատասխան քննություն կատարելու, հանցագործության հատկանիշներ հայտնաբերելու դեպքում՝ քրեական գործ հարուցելու, պատասխանատու ոստիկաններին հայտնաբերելու և համապատասխան պատասխանատվության ենթարկելու ուղղությամբ։
Հետադարձ կապ
Հելսինկյան քաղաքացիական ասամբլեայի Վանաձորի գրասենյակ
(+374) 322 4 22 68
ՀՔԱ Վանաձորի գրևասենյակի Երևանյան ներկայացուցչություն
(+374) 11 24 22 68
