Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Զինված ուժերում մարդու իրավունքների խախտումների մասին այս տեսանյութում ՀՔԱՎ նախագահ Արթուր Սաքունցը նշում է, որ մինչ հեղափոխությունը ձևավորված կառավարման համակարգի շարունակության պայմաններում նոր խնդիրներ առաջացնելով ստեղծել են հին ու նոր խնդիրների մի զանգված, որը շատերի մոտ անելանելիության տպավորություն է ստեղծում։

ՀՀ անվտանգային մարտահրավերներին դիմագրավելու անհրաժեշտությամբ պայմանավորված՝ ՀՔԱՎ-ը նախաձեռնել է «Զինված ուժերի բարեփոխումների վերաբերյալ կանաչ թուղթ» աշխատությունը, որն անդրադառնում է նաև Հայաստանի Հանրապետության զինված ուժերի քաղաքացիական, ժողովրդավարական վերահսկողության առկա մեխանիզմներին, անվտանգային ոլորտի նկատմամբ խորհրդարանական վերահսկողության գործիքներին, արդյունավետ և նոր մեխանիզմների ձեւավորման անհրաժեշտությանը՝ ի նպաստ թափանցիկության եւ հաշվետվողականության սկզբունքների հնարավորինս արդյունավետ ապահովման և կոռուպցիոն ռիսկերի նվազեցման: 

Կարևորելով բարեփոխումների գործընթացի գնահատման շարունակականությունը, ինչպես նաև զինված ուժերի նկատմամբ քաղաքացիական վերահսկողության մեխանիզմների բարելավման անհրաժեշտությունը, Հելսինկյան քաղաքացիական ասամբլեայի Վանաձորի գրասենյակը շարունակում է հետևել ՀՀ զինված ուժերի բարեփոխումներին, վերակառուցմանը և արդիականացմանն ուղղված ՀՀ Կառավարության գործողությունների իրականացման գործընթացին։ Վերջերս հրապարակեցինք Զինված ուժերի բարեփոխումներին, վերակառուցմանը և արդիականացմանն ուղղված ՀՀ Կառավարության գործողությունների 2-րդ գնահատումը, որում անդրադառնում ենք բոլոր 11 առաջնահերթություններին և ներկայացնում առաջարկներ։