Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Իրավապաշտպան Արթուր Սաքունցը, ԳԱԼԱ-ի հետ զրույցում անդրադառնալով արդարադատության նորանշանակ նախարար Ռուստամ Բադասյանին և նրա նշանակման վերաբերյալ հնչող քննադատություններին, նշեց՝ նորանշանակ նախարարին անձամբ չի ճանաչում և գնահատական կտա միայն նրա աշխատանքը տեսնելուց հետո:

«Կարող է մարդը լուրջ փորձառություն ունենա, բայց չկարողանա աշխատել, ես բոլոր կասկածները մերժում եմ, ավելին, գտնում եմ, որ պետք է միանշանակ երիտասարդ կադրերով համալրել պետական ապարատը»:

Իրավապաշտպանի խոսքերով՝ երիտասարդները պետք է վերցնեն նախաձեռնությունը և պատասխանատվությունն իրենց վրա:

«Նախկին ժամանակահատվածում կառավարման համակարգում փորձառություն ունեցողներն անպիտան են ժողովրդավարական և իրավական պետության տեսակետից: Իրենց փորձառությունը, վարքագիծը, մտածողությունը ձևավորվել է ավտորիտար կառավարման համակարգում, իհարկե բացառություններ կան, կլինեն, որ նախկին համակարգում լինելով՝ չեն վարակվել հարմարվողականությամբ՝ սկզբունքայնությունը կորցնելով»:

Իրավապաշտպանը նշեց, որ ողջունում է երիտասարդ կադրերի ներգրավման փաստը և կարծում է, որ դա պետք է շարունականան լինի:

«Չի աշխատի կամ չի արդարացնի՝ կփոխենք: Առաջվա նման չէ, որ տարիներով մի տեղ ձախողում էին կամ ինչ-որ կոռուպցիոն գործարքների մեջ էին թաթախվում, հանում էին, տեղափոխում էին մեկ այլ տեղ: Չէ, պետք է լինի թարմացում, առողջացում: Մարդն ունի իրավաբանական կրթություն, ունի փաստաբանական փորձառություն, կառավարման փորձ, այնպես որ, կանխակալ վերաբերմունք չպետք է ունենալ, կտեսնենք աշխատանքը»:

galatv.am