Հելսինկյան քաղաքացիական ասամբլեայի Վանաձորի գրասենյակ

Իրավապաշտպան Արթուր Սաքունցը սոցկայքի իր էջում գրել է. «Ոչ թե վարչապետը պետք է նպատակահարմար գտնի, այլ պարտավոր է քաղաքացու տեղեկություններ ստանալու ազատությունն ապահովել և պետք է հրապարակի փաստաթուղթը. այսպիսին է ժողովրդավարական պետության սկզբունքը:

Եթե վարչապետը հղում է կատարում մի փաստաթղթի, և նրանից տեղեկություններ է հրապարակում, ապա հասարակությունը նույնպես պետք է հնարավորություն ունենա այդ նույն փաստաթղթին ծանոթանալու, իր սեփական եզրակացությունները կազմելու:

Ես չպետք է ելնեմ իշխանության ներկայացուցիչի կարծիքի բացառիկ ճշմարտացիության վրա, այլ պետք է սեփական կարծիքը կազմելու հնարավորությունն ունենամ. սրանում է տեղեկատվություններ ստանալու և տարածելու, կարծիքի արտահայտման ազատության էությունը»: