Հելսինկյան քաղաքացիական ասամբլեայի Վանաձորի գրասենյակ

Արթուր Սաքունցն իր ֆեյսբուքյան էջում գրել է. «10 մլրդ ԱՄՆ դոլար պետությունից ապօրինի դուրս տարածները, դոլարային միլիոնատեր պատգամավորներ, նախարարներ ունեցածները, քսան տարի աղետի գոտին աղետի մեջ պահածները, քրեական աշխարհի հեղինակություններին դիվանագիտական անձնագիր շնորհածները, նրանց համար Հայաստանը հանգստի ապահով տարածք դարձրածները, նրանց հետ նստած, վերկացածները, թղթի վրա ամեն ինչ կարգին է մեթոդով համակարգային կոռուպցիան օրինականացրածները, մինչև 2040 թ. պետությունը գռփելու համար ստրկացած պահել ձգտողները դեռ մի հատ էլ լեզու են առել ու պահանջներ են ներկայացնում, թե բա լուծեք սոցիալական, առողջապահական, կրթական խնդիրները։

Խնդիրներ, որոնք իրենց հանցավոր կառավարման հետևանքով են առաջացել և մնացել են քսան տարի շարունակ չլուծված։

Խնդիրներ ունեցողների անունից խնդիրները բարձրաձայնում են այդ խնդիրները առաջացնողները` իրավիճակի ողջ ցինիզմը հենց սրանում է։

Ցինիկ էին իշխանություն ունեցած ժամանակ, շարունակում են ցինիկ մնալ իշխանությունից վռնդվելուց հետո։

Ու գիտեք, ինչու՞։

Որովհետև իրենց թալանածի, գռփածի, իրենց կառավարմամբ մարդկանց պատճառած դժբախտությունների, տառապանքների, անկրթության հասցրած սերունդների համար պատասխան չեն ստացել։

Եվ երբ թավշյա հեղափոխության օրերին և անմիջապես հետո մի քանի ամիս "ամեն մկան ծակին տասը թուման էին պատրաստ տալ", տեսնելով որ խմբով ու անհատապես պատասխանատվություն չեն կրում իրենց կազմակերպված բանդայի կողմից կատարած հանցագործությունների համար, մնացել են անպատիժ, նորց վստահ են զգում իրենց ցինիզմի մեջ։

Ու որպես կանոն, գողություն արածներն են առավել աղաղակում գողության դեմ, քանի որ իրենց արածների համար պատասխանատվություն չեն կրել»։

armdaily.am