Հելսինկյան քաղաքացիական ասամբլեայի Վանաձորի գրասենյակ

Զեկույցը հիմնված է 2015թ. Հելսինկյան Քաղաքացիական Ասամբլեայի Վանաձորի գրասենյակի կողմից հրապարակված «ԸՄԴԱ-ների հանձնարարականների իրականացումը Հայաստանում 2003-2013թթ. գնահատման զեկույցի» վրա:

Հետազոտության նպատակն է, վերանայելով Հելսինկյան Քաղաքացիական Ասամբլեայի Վանաձորի գրասենյակի վերոհիշյալ վերլուծությունը, ուսումնասիրել 2003թ.-ից ի վեր ընտրությունների միջազգային դիտորդական առաքելությունների, մասնավորապես ԵԱՀԿ/ԺՀՄԻԳ, ԵԽԽՎ և այլ կառույցների հանձնարարականներն ու դիտարկումները և դրանց արտացոլումը ընտրական օրենսգրքում, ինչպես նաև Օրենսգրքի վերաբերյալ «Ժողովրդավարություն՝ իրավունքի միջոցով» եվրոպական հանձնաժողովի (Վենետիկի հանձնաժողով) մեկնաբանությունների և առաջարկությունների արտացոլումը Օրենսգրքի լրամշակման գործընթացում` վերլուծելով նրանց դերը ընտրական բարեփոխումներում:

Ընտրությունների միջազգային դիտորդական առաքելությունները (ԸՄԴԱ) Հայաստանյան ընտրությունները դիտարկում են 1996 թվականից ի վեր, և այս առաքելությունների աջակցությամբ ընտրական օրենսդրությունը և ընտրությունների կազմակերպումը էականորեն փոփոխվել են:

Նոր ընտրական օրենսգրքում ԵԱՀԿ/ԺՀՄԻԳ-ի կողմից ներկայացված որոշ հանձնարարականներ հաշվի են առնվել, սակայն որոշ հանձնարարականներ պատշաճ չեն ընդգրկվել:

Այնուամենայնիվ մտահոգիչ է ընտրական օրենսգրքի մշակման ընթացքում լայն քննարկումների բացակայությունը, որը կբերեր ոչ միայն օրենսգրքի բարելավմանը այլ նաև ընտրական գործընթացների նկատմամբ հասարակության վստահության բարձրացմանը:

Մանրամասները՝ զեկույցում:

Տես նաև՝ Implementation of Recommendations by Venice commission, OSCE/ODIHR