Հելսինկյան քաղաքացիական ասամբլեայի Վանաձորի գրասենյակ
«Մարդու իրավունքների խախտումների առումով նոր իշխանությունները ակտիվ չեն, որ մենք էլ ակտիվ ուշադրություն դարձնենք». Սաքունց
«Ես չեմ մեկնաբանի որեւէ նշանակություն չունեցող անձանց հայտարարությունները, որոնք մասնակիցն ու աջակիցն են եղել մարդու իրավունքների շարունակական զանգվածային խախտումներ իրականացրած կառույցի եւ իշխանության»,- «իրավապաշտպանները դարձել են նոր իշխանությունների ծաղրածուները» նախկին ոստիկանապետ Վլադիմիր Գասպարյանի խորհրդական Նարեկ Մալյանի այս հայտարարությանն արձագանքեց իրավապաշտպան Արթուր Սաքունցը:
Հիշեցնենք, որ Մարալիկում տեղի ունեցած միջադեպի թեմայով օրեր առաջ ասուլիսում Նարեկ Մալյանը իրավապաշտպաններին անվանեց իշխանության ծաղրածուներ. «Իրավապաշտպանները նախկինում բոլորը դարձել են իշխանության ծաղրածուներ, եզակի բացառություններով, իշխանության լակեյներ են»:
Ըստ Արթուր Սաքունցի՝ Նարեկ Մալյանը չէ, որ կարող է դատողություններ անել իրավապաշտպանների մասին. «Մարդու իրավունքների խախտումների առումով նոր իշխանությունները ակտիվ չեն, որ մենք էլ ակտիվ ուշադրություն դարձնենք: Այն բացթողումները, որ կան, որոնք մտահոգում են, մենք արձագանքում ենք, ուշադրություն դարձնում ենք, եթե ուզում են այսօրվա իշխանություններին նույնականացնել, համեմատել նախորդ իշխանությունների հետ մարդու իրավունքների գործողությունների առումով, ապա թյուրիմացության մեջ են»:
Արթուր Սաքունցի խոսքով, Ոստիկանությունը համարժեք գործողություններ է կատարել Մարալիկում՝ հենց կասեցնելով, մարդկանց բերման ենթարկելով. «Այն ժամանակ, երբ ոստիկանությունը հրահանգում էր ու օրը ցերեկով մարդկանց, այդ թվում լրագրողներին, ոտնատակ էին տալիս, ոչ մեկ ուշադրություն չէր դարձնում, անհամեմատելի է, եկեք չհամեմատենք»:
Հետադարձ կապ
Հելսինկյան քաղաքացիական ասամբլեայի Վանաձորի գրասենյակ
(+374) 322 4 22 68
ՀՔԱ Վանաձորի գրևասենյակի Երևանյան ներկայացուցչություն
(+374) 11 24 22 68
