Հելսինկյան քաղաքացիական ասամբլեայի Վանաձորի գրասենյակ

Ինչպե՞ս է ստացվում, որ պետական համակարգի երկու կառույցներ օրեր շարունակ այնպես են համագործակցում, որ խնդիրը չի լուծվում: Իրավապաշտպան Արթուր Սաքունցը նկատում է՝ նման գործելաոճն առաջին անգամը չէ, և այս օրինակը ամրապնդում է դատավորների և փաստաբանների մտահոգությունը, որ Բարձրագույն դատական խորհուրդը շահագրգռված չէ այս խնդրի լուծմամբ։

«Այստեղ ես տեսնում եմ ԲԴԽ-ի կողմից ոչ պատշաճ ջանքերի գործադրում` օր առաջ, ժամ առաջ, վայրկյան առաջ այս բանալիները ստանալու և ի վերջո դատական համակարգը բնականոն վիճակին վերադարձնելու ուղղությամբ: Հիմա թե դա փնթիության հետևանքով է, թե համակարգի խափանված լինելու հետևանքով է, պետք է պարզվի, բայց որ ինձ համար ակնհայտ է, որ ԲԽԴ-ի կողմից ջանքերը` օր առաջ ստանալու այդ դատական գործերի բացման համակարգի բանալիները և գործի գցելու, պատշաճ չեն, ես դա ինձ համար հիմնավոր եմ համարում նման պնդումը», - նշեց նա:

Իրավապաշտպանի կարծիքով` ծառայողական քննություն պետք է նշանակվի՝ պարզելու` Երևանի մի կետից մյուսը հասնելիս պաշտոնական նամակները որտեղ և ինչու են անհետացել. «Սա արտառոց է, չնայած մենք ունեցել ենք նման դեպք նախկինում, երբ որ Արդարադատության նախարարության և Պաշտպանության նախարարության անհայտ կորածի մասին օրենքի նախագիծն էր կորել, բայց մյուս կողմից էլ` ես նույնիսկ գտնում եմ, որ պետք է ծառայողական քննություն նշանակվի այս խնդրի առաջացման պատճառները բացահայտելու, ուսումնասիրելու և ճշտելու համար»:

azatutyun.am