Հելսինկյան քաղաքացիական ասամբլեայի Վանաձորի գրասենյակ
Լաչինի միջանցքով շարժը անհապաղ պետք է վերականգնվի՝ կանխելու Լեռնային Ղարաբաղում հումանիտար դրության վատթարացումը․ ԵԽ մարդու իրավունքների հանձնակատար
ԵԽ մարդու իրավունքների հանձնակատար Դունյա Միյատովիչն անդրադարձել է Լաչինի միջանցքի փակմանը։
Նա նշել է, որ ուշադրությամբ հետևում է Լեռնային Ղարաբաղի շուրջ ստեղծված իրավիճակին՝ դեկտեմբերի 12-ից ԼՂ-ը Հայաստանին կապող Լաչինի միջանցքի փակվելուց հետո, և մտահոգված է, որ շատերը զրկվել են իրենց տուն հասնելու հնարավորությունից, առաջին անհրաժեշտության ապրանքներին հասանելիությունից ու բժշկական օգնություն ստանալու հնարավորությունից։
«Միջանցքի անվտանգությունն ու կարգուկանոնը պահպանելու համար պատասխանատու կողմերը պետք է ձեռնարկեն բոլոր անհրաժեշտ քայլերը, որպեսզի անհապաղ վերականգնեն շարժը այդ ճանապարհով՝ կանխելու մարդասիրական դրության վատթարցումը»․ ասված է Հանձնակատարի հայտարարության մեջ։
Հայաստանի քաղաքացիական հասարակության մի խումբ կազմակերպություններ ս․թ․ դեկտեմբերի 15-ին հրատապ գործողությունների կոչով դիմել են ՄԱԿ-ի գլխավոր քարտուղարին, ՄԱԿ-ի հատուկ զեկուցողներին, Եվրոպայի Խորհրդին և Եվրամիության կառույցներին՝ Լեռնային Ղարաբաղն արտաքին աշխարհին կապող միակ ճանապարհի՝ Լաչինի հումանիտար միջանցքի արգելափակման հետևանքով Ղարաբաղում ստեղծված հումանիտար ճգնաժամի վերաբերյալ։
Հետադարձ կապ
Հելսինկյան քաղաքացիական ասամբլեայի Վանաձորի գրասենյակ
(+374) 322 4 22 68
ՀՔԱ Վանաձորի գրևասենյակի Երևանյան ներկայացուցչություն
(+374) 11 24 22 68
