Հելսինկյան քաղաքացիական ասամբլեայի Վանաձորի գրասենյակ

Հարգելի գործընկերներ և ընկերներ, ինչպես գիտեք համավարակով պայմանավորված արտակարգ դրության, ապա պատերազմով պայմանավորված ռազմական դրության, սոցիալական և քաղաքական ճգնաժամի պատճառով 2020 թվականից մինչ օրս ՀՀ-ում չեն անցկացվել Տեղական ինքնակառավարման մարմինների ընտրություններ: 

Չնայած պաշտոնական տեղեկատվության սղությանը՝ ըստ ամենայնի, հոկտեմբեր, նոյեմբեր և դեկտեմբեր ամիսներին իրականացվելու են վերոնշյալ ժամանակահատվածում ընտրություններ չիրականացրած համայնքներում հերթական և արտահերթ ընտրություններ՝ Տավուշի, Լոռիի, Շիրակի, Սյունիքի, Արմավիրի և Արագածոտնի մարզերի որոշ համայնքներում: 

Այնուամենայնիվ, Անկախ դիտորդ դաշինքը հայտեր է ընդունում Հայաստանի բոլոր մարզերից և Երևանից՝ անկախ ընտրությունների աշխարհագրությունից՝ դիտորդական առաքելություն իրականացնելուն պատրաստ լինելու նպատակով: Հարկ է նշել, որ թեկնածուների ընտրությունը խիստ պայմանավորված է լինելու աշխարհագրությամբ:

Ցավոք կամ բարեբախտաբար այս ՏԻՄ ընտրությունները նույնպես արտառոց են, ինչպես վերոնշյալ պատճառներով, այնպես էլ ԱԺ ընտրությունների արդյունքում քաղաքական ուժերի վերաբաշխումից հետո քաղաքական պայքարը արդեն ՏԻՄ մակարդակում շարունակելու պատճառով:

Այս փուլում Անկախ դիտորդ դաշինքը հավաքագրում է երկարաժամկետ և կարճաժամկետ դիտորդներ, դիտորդների համակարգողներ: Այս հայտը լրացնելով՝ դուք դիմում եք հոկտեմբեր-դեկտեմբեր ամիսներին նշանակված և նշանակվող բոլոր ընտրությունների համար, իսկ ձեր հայտերը կդիտարկվեն՝ ըստ աշխարհագրական նպատակահարմարության:

Երկարաժամկետ դիտորդի և կարճաժամկետ դիտորդների համակարգողի հաստիքների համար դիմելու ձևաթուղթ՝

https://forms.gle/DTPiq8NuySfCTBYY8

Կարճաժամկետ դիտորդների գրանցման ձևաթուղթ՝ 

https://forms.gle/Vzwb2b5aVWCHtoNP8

Հավաքագրումն իրականացվում է ՀՀ ողջ տարածքում՝ վերոնշյալ աշխարհագրական սահմանափակումներով: 

Նախատեսվում է բոլոր դիմորդների պարտադիր վերապատրաստում: 

Լրացուցիչ տեղեկությունների համար կարող եք աշխատանքային ժամերին զանգահարել ՀՔԱ Վանաձորի գրասենյակ՝  077342268, 041158873 (անձնական), 032272268 հեռախոսահամարներով կամ գրել Անկախ դիտորդի ֆեյսբուքյան էջին: 

Կոնտակտային անձ՝ Անտոն Իվչենկո: 

«Ընտրություններ բոլորի համար 2021- տեղական դիտորդություն և քաղաքացիական հասարակության կողմից քաղաքացիների իրավազորում» ծրագիրն իրականացվում է ՕքսԵՋեն հիմնադրամի, Հելսինկյան քաղաքացիական ասամբլեայի Վանաձորի գրասենյակի, «Իրազեկ քաղաքացիների միավորում» ՀԿ-ի և Քաղաքական դասընթացների երևանյան դպրոցի հետ համատեղ:

Ծրագիրը ֆինանսավորվում է Եվրոպական միության կողմից։

Հրապարակումը պատրաստվել է Եվրոպական միության ֆինանսական աջակցությամբ: Հրապարակման բովանդակության համար պատասխանատու է «Անկախ դիտորդ» հասարակական դաշինքը և այն պարտադիր չէ, որ արտացոլի Եվրոպական միության տեսակետները: