Հելսինկյան քաղաքացիական ասամբլեայի Վանաձորի գրասենյակ

Վերջերս իրավապաշտպան Ա․Սաքունցը խոսել էր Հռոմի ստատուտի վավերացման նշանակության և այն որպես Ալիևի բռնապետական ռեժիմի դեմ գործիք օգտագործելու մասին։ Le Monde-ը նույնպես այս դիտանկյան տակ է մեկնաբանել Հայաստանի կողմից ստատուտի վավերացումը` մեջբերելով իրավապաշտպանին։ Մասնավորապես Le Monde-ը նշել է․

Հայաստանը՝ Կովկասում գտնվող փոքր պետությունը, Մոսկվայի դաշնակիցը, ճանապարհ է հարթում Հռոմի ստատուտի՝ Միջազգային քրեական դատարանի հիմնադիր պայմանագրի վավերացման համար։ Մոտեցումն ուղղված է Ադրբեջանի, ոչ թե Վլադիմիր Պուտինի դեմ, ում նկատմամբ  այժմ ձերբակալման հրաման կա։

Մարդու իրավունքների պաշտպան, Հելսինկյան Քաղաքացիական Ասամբլեայի Վանաձորի գրասենյակի նախագահ Արթուր Սաքունցի խոսքով․ «Միջազգային քրեական դատարանի որոշումը Հայաստանի իշխանությունների համար հարց է բարձրացնում. պատերազմական հանցագործություն կատարելու մեջ մեղադրվողի՞, թե՞ օրենքի կողմն է Հայաստանը։ Սաքունցի կարծիքով՝ «Պուտինի ձերբակալությունը հեշտացնելը բխում է Հայաստանի շահերից»։

Վլադիմիր Պուտինը շուտով կարող է persona non grata (անցանկալի անձ)դառնալ Հայաստանում, քանի որ Հայաստանի Սահմանադրական դատարանը մարտի 24-ին որոշում կայացրեց, որ Հռոմի ստատուտը համապատասխանում է Սահմանադրությանը։ Ռուսաստանը շտապել  է արձագանքել՝ սպառնալով իր դաշնակցին «լուրջ հետևանքներով», հայտնում է Ֆրանսիայի ԱԳՆ աղբյուրը։   «Մոսկվան գտնում է, որ Հռոմի ստատուտը վավերացնելու Երևանի ծրագրերը ապօրինի են և բացարձակապես անընդունելի՝ Ռուսաստանի առաջնորդների նկատմամբ  կալանավորման օրդերների համատեքստում»: Իր հերթին Կրեմլի խոսնակ Դմիտրի Պեսկովն ասել է, որ Մոսկվան Երեւանի հետ կքննարկի այս որոշման «հետևանքները»։

Le Monde-ի հոդվածը՝ ԱՅՍՏԵՂ։