Հելսինկյան քաղաքացիական ասամբլեայի Վանաձորի գրասենյակ

2025թ․-ի մարտի 6-ին Ժողովրդավարության աջակցության ազգային ֆոնդը (NED) հայտարարեց, որ ստիպված դիմում է իրավական միջոցների․ 2025թ․ հունվարից ֆոնդի ֆինանսները սառեցվել էին՝ Դ․Թրամփի հայտնի որոշմամբ։ NED-ի գործադիր տնօրեն և նախագահ Դեյմոն Ուիլսոնի խոսքով նման որոշման գնալը ծանր էր և պայմանավորված միայն ցանկությամբ՝ հետ բերելու այն ֆինանսական միջոցները, որոնք աջակցում են ժողովրդավարության և ազատության համար պայքարող առաջամարտիկներին։