Հելսինկյան քաղաքացիական ասամբլեայի Վանաձորի գրասենյակ

Անդրադառնալով սեպտեմբերի 13-ին Ադրբեջանի կողմից ՀՀ սահմաններին իրականացված ագրեսիայի պատճառով մարդկային կորուստներին՝ Արթուր Սաքունցը փաստեց. «ՀՀ վարչապետը հայտարարեց 105 զոհվածի մասին, ադրբեջանական կողմը հայտնել է, որ 100 զոհվածի դիակ պատրաստ է միակողմանի փոխանցել հայկական կողմին: Արդեն մեզ համար հասկանալի չէ, թե այդ մեր իշխանության կողմից 105-ի՞ մեջ է մտնում այդ 100-ը, թե՞ առանձին թիվ է: Պարզ է, որ ադրբեջանական կողմը, որ ասում է 100 դի, դրանք այն զինվորներն են, որոնք գտնվում են ադրբեջանական վերահսկողության տակ տարածքներում: Դրանք թվեր են, բայց ամեն կոնկրետ թիվ մարդու հետ է կապված, քանի դեռ այդ մարդկանց նույնականացումը կատարված չէ, կարող ենք զոհերի մասին ասել առնվազն 105 գումարած 100»: