Հելսինկյան քաղաքացիական ասամբլեայի Վանաձորի գրասենյակ

ՀՔԱՎ նախագահ Արթուր Սաքունցը Ժողովրդավարության հայկական ֆորումին ուշադրություն հրավիրեց այն հանգամանքին, որ ժողովրդավարության ամենամեծ մարտահրավերը պուտինյան ռեժինի կողմից Ուկրաինայի դեմ սանձազերձված պատերազմն է, որի համատեքստում էլ պետք է քննարկել ժողովրդավարության առջև ծառացած խնդիրները նաև Հայաստանում։

Ինչ վերաբերում է վարչապետի հիշատակած «հայկական ժողովրդավարությանը», Ա․ Սաքունցը նշեց․ «Չկա այդպիսի հասկացություն, ինչպես չկա հայկական մաթեմատիկա, վրացական մաթեմատիկա կամ ամերիկյան մաթեմատիկա կամ քիմիա, կա մաթեմատիկա ու վերջ։ 

Պամությունը ցույց է տալիս, որ անվտանգության ուրիշ վստահելի, զարգացող, կենդանի մեխանիզմ, քան ժողովրդավարությունն է, գոյություն չունի։

Հաշվետու և թափանցիկ կառավարման սկզբունքը երաշխավորող մեխանիզմների ձևավորումն է ժողովրդավարության անընդհատության և զարգացման երաշխիքներից մեկը։ 

Փաստահավաք հանձնաժողովի բուն նշանակությունը պետք է կայանար մարդու իրավունքների շարունակական կոպիտ խախտումների վերաբերյալ վկայությունների հավաքագրումը։ Մարդիկ, որոնք տարիներ շարունակ մնացել են խախտված իրավունքների հետ մեն-մենակ, լսված չեն եղել, նրանց պետք է տրվեր հնարավորություն իրենց իրավունքների խախտման մասին վկայություն տալու, եթե կան ծանր դեպքեր, ուրեմն՝ դրանց պետք է նաև փոխհատուցում լիներ, որովհետև Թավշյա հեղափոխությունը սոցիալական արդարության դեֆիցիտի հետևանք էր, երբ այս ամենը չի արվում, դա մանիպուլացվում է։ 

Շարունակական անպատժելիությունը բերում է նոր հանցագործությունների։Նաև խաղաղության տեսակետից՝ մինչև պատերազմի հանցագործությունների համար քննություն չկատարվի և մեղավորները պատասխանատվություն չկրեն, չի լինելու խաղաղություն։ 

Հայաստանում ժողովրդավարության լուրջ խնդիրներ ունենք, որոնք պահանջում են լուծումներ, հետևողական ջանքեր և գրագետ, սկզբունքային, խիզախ մոտեցումներ։