Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

ՀՀ վարչապետ Նիկոլ Փաշինյանը կառավարության նիստում անդրադարձել է «Тransparency international» հակակոռուպցիոն կազմակերպության՝ «Կոռուպցիայի ընկալման ցուցիչը 2022» զեկույցին, որտեղ ՀՀ-ն որոշակի նահանջ է գրանցել։ Վարչապետը նշեց, որ փորձում են հասկանալ՝ ինչն է նման ետընթացի պատճառը. «Սա շատ կարևոր ցուցիչ է մեզ համար, որովհետև հակակոռուպցիոն ռազամավարության մեջ այս ցուցիչում առաջընթաց արձանագրելու շատ հստակ նպատակադրում ու մինչև 2026թ. գործողությունների որոշակի պլան ունենք, և այս ցուցիչի՝ թեկուզ ոչ շատ մեծ, ոչ նշանակալի նահանջը մեզ համար անհանգստացնող ահազանգ է»։ Թեմայի շուրջ «Առաջին լրատվական»-ը զրուցել է ՀՔԱՎԳ ղեկավար Արթուր Սաքունցի հետ:

Ըստ Սաքունցի` կոռուպցիայի ընկալման համաթվի նվազումը չպետք է անակնկալ լիներ իշխանության համար. «Ինչպիսի ջանքեր գործադրել ես, այնպիսի գնահատական էլ ստացել ես: Համակարգային կոռուպցիան չապամոնտաժվեց, այն արթնացել է: Կառավարության նիստերում զեկուցվող հարցերի քանակը կտրուկ նվազել է. սա կոռուպցիոն ռիսկ է»: