Helsinki Citizens’ Assembly-Vanadzor

Helsinki Citizens' Assembly-Vanadzor

Civilian Oversight and Monitoring

Legislative Proposals and Analysis

Peacebuilding

Legal Support

Capacity Building

(Armenian) Մայիսի 1-ը՝ Աշխատանքի օր

May 1, 2023

Activities | Publications

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Մայիսի 1-ն Աշխատանքի օրն է։ Այս օրը մենք կարևորում ենք իրավունքը՝ արժանապատիվ աշխատանք ունենալու և մեր համերաշխությունն ենք հայտնում նրանց, ովքեր պայքարում են աշխատողների իրավունքների և արդարության համար: Արժանապատիվ աշխատանք նշանակում է ապահով աշխատանքային պայմանների, արդարացի աշխատավարձի, աճի ու զարգացման հնարավորությունների հասանելիություն: Արժանապատիվ աշխատանք նշանակում է հարգալից ու արժանապատիվ վերաբերմունք աշխատավայրում, ձայնի իրավունք բարիք ստեղծողների` աշխատողների համար։

Աշխատանքային իրավունքները ներառում են արհմիություններ ստեղծելու և դրանց միանալու իրավունք, կոլեկտիվ բանակցությունների իրավունք, անվտանգ և առողջ աշխատանքային պայմանների իրավունք, խտրականությունից զերծ մնալու իրավունք․ աշխատանքի ազատություն:

Իրենց իրավունքների համար պայքարելու հնարավորություն ունեցող աշխատողները ստեղծում են ավելի արդար հասարակություն բոլորի համար․ հասարակություն, որտեղ բոլորն ունեն իրենց արժանապատիվ զգալու, իրենց ներուժն օգտագործելու ու զարգացնելու հնարավորությունը։

Աշխատանքային իրավունքների պաշտպանության փորձը ցույց է տալիս, որ դրանք անքակտելի են մարդու հիմնարար իրավունքներից։ Չկա աշխատանքային իրավունքների արդյունավետ պաշտպանություն առանց մարդու իրավունքների հիմնարար պաշտպանության, որն էլ հանդիսանում է արժանապատիվ աշխատանքի հիմքը։