Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

«Չի կարող ոչ մեկ ընտրակաշառք բաժանել կամ ընտրակեղծիքներ կատարել հանրաքվեի ժամանակ, որովհետև այժմ կա քաղաքական կամք պայքարելու ընտրական հանցագործությունների դեմ»,- լրագրողների հետ հանդիպմանն ասաց «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը:

Նա նշեց, որ բացի այդ,  Քրեական օրենսգրքի փոփոխություններով էապես փոխվեցին մի շարք արարքների համար նախատեսվող պատժաչափերը, դասվեցին ծանր հանցագործությունների ցանկին. ընտրակաշառք բաժանելու համար մինչև 6-7 տարի ազատազրկման կարելի է ենթարկվել, ընտրությունների արդյունքները կեղծելու համար՝ մինչև 8 տարի ազատազրկում, բացի այդ, իրավապահ մարմինները ստացան հնարավորություն օպերատիվ-հետախուզական բոլոր միջոցառումները կիրառել այդ հանցագործությունների բացահայտման համար:

Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցն էլ ասաց. «Դատաիրավական համակարգի չբարեփոխված լինելը շատ լուրջ ..., այդտեղ պետք է տեսնել, թե այդ գործիքները կարո՞ղ են արդյունավետ օգտագործվել, թե՞ ոչ»։

Նա նշեց, որ առաջիկա սպասվող հանրաքվեն թավշյա հեղափոխությունից հետո համազգային մակարդակով երկրորդ քվեարկությունն է, բայց որակեց որպես առաջին քննությունն իշխանության համար:

«Եթե Երևանի ավագանու ընտրությունները և ԱԺ արտահերթ ընտրություններն իրականացվեցին հետհեղափոխական անցումային ժամանակաշրջանում, հանրաքվեն ժամանակի տեսակետից իշխանության առաջին նախաձեռնությունն է: Հանրաքվեի առանձնահատկություն այն է, որ գործող  իշխանությունը քննություն է բռնելու ամբողջությամբ ազատ և արդար քվեարկության կազմակերպման տեսակետից»,- նշեց նա:

Ա.Սաքունցի խոսքով, գործող իշխանության պատասխանատվությունն առավել մեծ է, որ այս քվեարկությունն իրականացվի բացառիկ ազատ և արդար. «Վարչական ռեսուրսների տիրապետողն անցկացնում է քվեարկություն, կարելի է ասել ամեն մի քայլը գտնվում է խոշորացույցի հսկողության ներքո»:

Նա նշեց, որ բավական լուրջ մարտահրավեր ունեն. ապատեղեկատվության, կեղծ տեղեկատվության շահարկումների մի ամբողջ պաշարի հետ գործ ունեն:

«Թացը չորից տարանջատելու այս դժվարությունը լուրջ մտահոգող գործոն է, որը ուղեկցելու է այս հանրաքվեին»,- ասաց Ա.Սաքունցը:

panorama.am