Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունցը «Առաջին լրատվական»-ի հետ զրույցում ՍԴ շուրջ ստեղծված իրավիճակը համարեց ոչ թե Սահմանադրական դատարանի ճգնաժամ, այլ հենց Սահմանադրության ճգնաժամ. «Որովհետև Սահմանադրությունը՝ իր ձևակերպումներով, իր մոտեցումներով, նախ՝ ամբողջովին կապակցված է եղել և ստեղծվել է Սերժ Սարգսյանի՝ նախագահից վարչապետ անցնելու իշխանության ապահովման նպատակով, և երկրորդ՝ Հանրապետական կուսակցության՝ որպես կայուն քաղաքական մեծամասնության փաստի հիման վրա: Այսինքն՝ գործող Սահմանադրությունը կարող է գործել, լուծումներ տալ, եթե իշխանության ղեկին է Սերժ Սարգսյանը»:

Մեր զրուցակցի խոսքով՝ Սահմանադրությունը չի տալիս իրավական որևէ լուծման հնարավորություն. «Եվ հիմա Վահե Գրիգորյանը դիմում է սահմանադրական մարմիններին՝ նկատի ունենալով, որ կառավարություն-ԱԺ կոնսենսուսի, համաձայնության միջոցով լուծում տրվի այս հարցին»:

Սաքունցը ևս մեկ աբսուրդ մատնանշեց. «Անունով Սահմանադրության երաշխավոր հանրապետության նախագահը Սահմանադրությամբ ոչ մի լծակ չունի. իշխանության բոլոր լծակները կենտրոնացված էին սուպերվարչապետի ձեռքում, որն այլևս Սերժ Սարգսյանը չէր: Ես ձեզ վստահեցնում եմ՝ եթե Սերժ Սարգսյանը լիներ, ապա այսպիսի հարցեր չէին առաջանալու»:

Այս իրավիճակում Արթուր Սաքունցը լուծման միակ տարբերակը համարում է Սահմանադրությունը փոխելը. «Եվ վե՛րջ»:

Հարցազրույցն ամբողջությամբ՝ տեսանյութում:

1in.am