Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

«Իմ մեջ արդեն բազմաթիվ հարցեր են առաջանում, թե հեղափոխության օրակարգ ասվածն ինչ է պարունակում, որովհետև այն օրակարգում, որը առաջադրվեց Հայաստանում 2018 թվականի ապրիլ-մայիսին իրականացված թավշյա հեղափոխության արդյունքում, նման հարց չկա, որ Հայաստանի Հանրապետությունը և նրա իշխանությունը չպետք է հետամուտ լինեն ժողովրդավարության և մարդու իրավունքների արժեհամակարգին: Այսինքն՝ թավշյա հեղափոխության էությունն այն էր, որ մերժվել և իշխանությունից հեռացել էր այն ուժը և այն խմբավորումը, որը տարիներ շարունակ անպատիժ զանգվածաբար կոպտորեն խախտում էր մարդու իրավունքները և ընտրությունների կեղծմամբ զավթում պետությունը»,- «Առաջին լրատվական»-ի հետ զրույցում ասաց Հելսինկյան քաղաքացիական ասամբլեայի Վանաձորի գրասենյակի նախագահ Արթուր Սաքունցը՝ անդրադառնալով Բելառուսի նախագահի պաշտոնում վերընտրվելու կապակցությամբ Ալեքսանդր Լուկաշենկոյին ուղղված ՀՀ վարչապետ Նիկոլ Փաշինյանի հապշտապ շնորհավորանքին:

Նրա խոսքով՝ Հայաստանի թավշյա հեղափոխությունն իր ազդեցությունն է ունեցել հետխորհրդային տարածաշրջանի բռնապետական պետություններում, այդ թվում՝ Ադրբեջանում, նույն ՌԴ-ում և, իհարկե, Բելառուսում. «Բելառուսները կարողացան հաղթահարել բռնապետության կողմից ձևավորված վախի մթնոլորտը և ընդվզել, չհամակերպվել»:

Հիշեցնելով, թե Բելառուսում ընտրություններն ինչ խայտառակ խախտումներով են ուղեկցվել, ինչպիսի բռնություններ, դաժան խոշտանգումներ և ապօրինի ձերբակալություններ են տեղի ունեցել, Սաքունցն ասաց. «Եվ այս պայմաններում ասել, թե հայաստանյան օրակագից է բխում և շնորհավորել… դա որևէ կերպ չի տեղավորովում հեղափոխության օրակարգում: Դիվանագիտությունը ևս պետք է հիմնված լինի արժեքային հիմքի վրա. դու կա՛մ ավտորիտար կամ բռնապետական պետության դիվանագիտություն ունես, կա՛մ ժողովրդավարական, իրավական արժեհամակարգի վրա հիմնված դիվանագիտություն»:

Հարցազրույցն ամբողջությամբ՝ տեսանյութում