Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

«Դե-յուրե շատ նման է, որ մեկ այլ պետության նախագահ հանդես է գալիս մեկ այլ պետությունում երաշխավոր, դա իրավական պրակտիկայի տեսանկյունից աննախադեպ  քայլ է»։ Այս մասին Epress.am-ի հետ հարցազրույցում խոսում է Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունց, մեկնաբանելով Ռոբերտ Քոչարյանի գործով դատավարության ընթացքը։

1-ին ատյանի դատարանի կողմից Քոչարյանի գործը Սահմանադրական դատարան ուղարկելու մասին խոսելից իրավապաշտպանը կարևորեց տուժողների իրավահաջորդների և նրանց ներկայացուցիչների իրավունքների խախտելու փաստը։ Իր խոսքերով, խախտվել է նաև դատախազության իրավունքները, քանի որ դատարանը չի լսել  կողմերի կարծիքը, և միայն պաշտպանական կողմի միջնորդությամբ է որոշել գործը ՍԴ ուղարկել։

«Սահմանադրական դատարանը 1 ամիս ժամկետ ունի որոշում կայացնելու համար, վարույթ ընդունելու պարագայում մինչև 3 ամսվա ընթացքում որոշում կայացնի և ևս 3 ամիս ընթացակարգային  որոշում կկայացնի, տեսականորեն 7 ամիս կարող է հետաձգվել Ռոբերտ Քոչարյանի գործի քննությունը։ Ռոբերտ Քոչարյանը ժամանակ է ստանում վերամոբիլիզացնելու իրենց ուժերը, և հնարավորություն է ստանում  հարցը տեղափոխել  քաղաքական դաշտ, որակել քաղաքական  հետապնդում»։

Իրավապաշտապնը հետագայում սպասվելիք կանխատեսումներում առանձնացրեց երկու կարևոր  ուղղություն, որտեղ լուրջ ռիսկեր է տեսնում։ Եթե ՀՀ ՍԴ-ն որոշի, որ Ռոբերտ Քոչարյանն անձեռնմխելի է 2008 թվականից առաջ և 2008-ի մարտի 1-ին, ապա նա քրեական հետապնդման չի ենթարկվի։ «Դա նշանակում է, որ քրեական հետապնդումը Ռոբերտ Քոչարյանի  մասով կարճվում է, նման ենթադրյալ որոշման հիման վրա, նա ձեռք է բերում Սահմանդրական լեգիտիմություն»։

epress.am