Helsinki Citizens’ Assembly-Vanadzor

Իրավապաշտպան Արթուր Սաքունցը ֆեյսբուքյան իր էջում գրել է. «Սա որպես ի գիտություն, որ մեղադրյալ Ռ. Քոչարյանի գործով դատավարության և նրա շուրջ գործընթացները քաղաքականացնում են հենց նախկին իշխանության կարկառունները, և նրանց դարդ ու ցավը Ռ. Քոչարյան անձը չէ, այլ իրենց սեփական շահերն են հետապնդում։ Այն է, ամեն հնարավոր տարբերակներով խոչընդոտել արդարադատության իրականացմանը, և դրա միջոցով խուսափել պատասխանատվությունից, որն անխուսափելի է նաև իրենց նկատմամբ։ Հենց այս համատեքստում է կարևորվում թեʹ անցումային արդարադատության իրականացումը՝ հասարակության ապաքինումը, և` դատաիրավական համակարգի կտրուկ փոփոփոխությունների իրականացումը, թեʹ տնտեսական համակարգի փոփոխությունները և առավել կարևորը` այս բոլորի համընթաց, ներդաշնակ իրականացումը։ Այնպես, որ արհեստականորեն տարանջատել մեղադրյալ Ռ. Քոչարյանին դատավարության շուրջ գործընթացները զուտ նրա նկատմամբ հարուցված քրեական գործից չի ստացվի, հենց նրան սատարողների ակնհայտ հակաժողովրդավարական, հակաիրավական և հակասահմանադրական դիրքորոշումների պատճառով»։