Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

«Թալանված գումարների վերադարձի խնդիրը արդիական է։ Այս պահին ռազմաճակատում գտնվող զինծառայողներին պետք է ապահովել անհրաժեշտ միջոցներով։ Նրանց հարազատներին պետք է սոցիալական աջակցություն լինի։ Տարբեր հիմնադրամներում առկա գումարները բավարար չեն»,-«Առաջին լրատվական»-ի հետ զրույցում ասաց իրավապաշտպան Արթուր Սաքունցը։

Նրա խոսքով բացի զուտ իրավական միջոցներից պետք է գործի դրվեն քաղաքական միջոցներ, որպեսզի մարդիկ ի վերջո հասկանան, որ իրենց գույքը, ունեցվածքը չի կարող պաշտպանված մնալ, եթե առաջնագծում միջոցների անհրաժեշտություն կա.«Պետք է գործի դնել բոլոր միջոցները։ Այդ թվում համոզելու տարբերակը։ Չեմ ասում ամոթանք տան և այլն, բայց պետք է խրախուսել, որ մարդիկ տարիներ շարունակ կոռուպցիոն, անպատժելի համակարգի հետևանքով պետության միջոցները յուրացրել են, բերենք ու այդ միջոցները ուղղեն պետությանը»,-ասաց իրավապաշտպանը։

Վերադարձնել պետությանը գողացվածը և ազատվել պատասխանատվությունի՞ց՝ հարցրինք.«Սա նաև այն վիճակն է, որ ապօրինի ճանապարհով ձեռք բերվածի օրինականացման մասին պետք է մտածենք, ոչ թե գնանք քրեական հետապնդման ժամանակատար ճանապարհով»,-ասաց Սաքունցը։