Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Ազգային անվտանգության ծառայությունը պետք է զբաղվի միայն հետախուզությամբ և հակահետախուզությամբ»,- «Փաստինֆո»-ի թղթակցի հետ զրույցում ասել է իրավապաշտպան Արթուր Սաքունցը` անդրադառնալով ՀՀ վարչապետ Նիկոլ Փաշինյանի`ԱԱԾ-ին տրված հանձնարարականին:

Ըստ նրա`սոցցանցերում և լրատվականներում ֆեյքերի դեմ պայքարով պետք է զբաղվի ոստիկանությունը։

Իրավապաշտպանը նշել է, որ երկրի արտաքին մարտահրավերներով պետք է զբաղվի ԱԱԾ-ն, իսկ ներքիններով՝ ոստիկանությունը։

«Ներկա պահին ԱԱԾ-ի նման լիազորությունը համապատասխանում է օրենքին, սակայն դա ճիշտ չեմ համարում․ քրեական գործի հարուցումը պետք է իրականացվի դատախազության կողմից»,-ասաց նա։

Սաքունցը կարծում է, որ ատելության, թշնամանքի և բռնության կոչ անողները պետք է պատժվեն, անկախ նրանից ֆեյք են, թե ոչ։

Պատասխանելով այն հարցին, թե արդյոք սա չի հանգեցնի գրաքննության, իրավապաշտպանն ասաց․ «Գրաքննություն կարող է լինել, եթե մարդիկ հետապնդվում են իրենց կարծիքի համար, իսկ այն մարդիկ, որոնք ատելության, թշնամանքի, բռնության կոչ են անում, պետք է վստահ լինեն, որ պաշտպանված չեն օրենքով»։

Հիշեցնենք, որ ապրիլի 4-ին, կառավարության նիստում Նիկոլ Փաշինյանը ԱԱԾ տնօրեն Արթուր Վանեցյանին հանձնարարել էր հակահարված տալ մանիպուլյատիվ ինֆորմացիա տարածող ֆեյքերին։

pastinfo.am