Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Հոկտեմբերի 10-ը հոգեկան առողջության միջազգային օրն է։

Ճգնաժամային իրավիճակներում, ինչպիսին համավարակն է, պատերազմը և պատերազմի վտանգը, հոգեկան առողջության պահպանումն ու հոգեկան առողջության խնդիրներ ունեցող անձանց իրավունքների ապահովումը նոր մարտահրավերների առաջ է կանգնում և ավելի մեծ ջանքեր պահանջում։

Հելսինկյան քաղաքացիական ասամբլեայի Վանաձորի գրասենյակը Բաց հասարակության հիմնադրամների աջակցությամբ և Մեդիա կենտրոնի հետ համագործակցությամբ 2022 թ․ հոկտեմբերի 10-ին՝ ժամը 12։00-ին, նախաձեռնում է քննարկում այս խնդիրների վրա ևս մեկ անգամ ուշադրություն հրավիրելու և հնարավոր լուծումներ քննարկելու նպատակով։

Քննարկման թեման է՝ ճգնաժամային իրավիճակների (ինչպիսին համավարակն է, պատերազմը և պատերազմի վտանգը) ազդեցությունը հոգեկան առողջության վրա, այդ իրավիճակներում հոգեկան առողջության խնդիրներ ունեցող անձանց իրավունքների ապահովումը և համայնքի դերը (ինչու՞ է կարևոր անձանց համայնքում ապրելը, որո՞նք են մեծ հաստատություններում գտնվելու ռիսկերը, ո՞րն է պետության պարտավորությունը)։

Քննարկման բանախոսներն են՝

✅Մարիետա Թեմուրյան, ՀՔԱՎ սոցիալ-առողջապահական ծառայությունների մշտադիտարկման մասնագետ

✅Արմինե Սադիկյան, ՀՔԱՎ պաշտպանության և անվտանգության բնագավառի նկատմամբ քաղաքացիական վերահսկողության բաժնի համակարգող

✅Մուշեղ Հովսեփյան, «Հաշմանդամություն ունեցող անձանց իրավունքների օրակարգ» ՀԿ նախագահ

✅Սամվել Սուքիասյան, հոգեբույժ, բժշկական գիտությունների դոկտոր, պրոֆեսոր

✅Նարինե Խաչատրյան, ԵՊՀ Անձի հոգեբանության ամբիոնի վարիչ