Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

«Այս ու նախորդ դեպքերը ցույց են տալիս, որ ոստիկանության համակարգի հատվածային բարեփոխումը բովանդակային ազդեցություն չի ունենում ամբողջ կառույցի վրա»

«Պարեկային ծառայության աշխատակիցները չեն բռնություն գործադրել, բայց նրանք ներկա են եղել, ականատես են եղել այդ բռնություններին և չեն կանխել», - ասաց իրավապաշտպան Արթուր Սաքունցը:

Այս ու նախորդ դեպքերը ցույց են տալիս, որ ոստիկանության համակարգի հատվածային բարեփոխումը բովանդակային ազդեցություն չի ունենում ամբողջ կառույցի վրա, ասում է իրավապաշտպան Արթուր Սաքունցը։ Նա միջադեպին խոշտանգում, կտտանք որակումներն է տալիս։

«Ավելի արտառոց է և ավելի զայրացուցիչ է քննչական մարմնի կողմից ոչ պատշաճ արձագանքը: Խոսքը վերաբերում է նրան, որ անհապաղ պետք է հարուցվեր քրեական գործ՝ ոստիկանության աշխատակիցների կողմից անձի նկատմամբ ոստիկանության բաժնում բռնությունների կատարման հիմքով», - ընդգծեց իրավապաշտպանը:

Մինչդեռ ոստիկանների ծառայողական գործունեությանը միջամտելու համար, նկատում է՝ քրգործ են հարուցել անմիջապես, Վանեսքեհյանի՝ հիվանդանոցից դուրս գրվելուց հետո էլ նրան կալանավորել են։

«Ցուցմունքները, որոնց հիման վրա մեղադրանքներ են առաջադրվել, քրեական գործ է հարուցվել և Վանեսքեհյանը որպես մեղադրյալ է ներգրավվել, ամբողջը հիմնված է ոստիկանության աշխատակիցների ցուցմունքների վրա», - ասաց Սաքունցը: