Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

ՀՔԱ Վանաձորի գրասենյակի նախագահ Ա․Սաքունցը ՀՀ քննչական կոմիտեին հանցագործության մասին հաղորդում է ներկայացրել՝ սույն թվականի հունվարի 13-ին Երևան քաղաքի Ֆիրդուսի թաղամասում ոստիկանության պետական ծառայություն իրականացնող պաշտոնատար անձանց կողմից բռնության գործադրման, իրենց լիազորությունները չարաշահելով, քաղաքացիների իրավունքներին, ազատություններին ու օրինական շահերին էական վնաս պատճառող արարք կատարելու մասին։

Նշենք, որ Ֆիրդուսի թաղամասում ՀՀ հարկադիր կատարումն ապահովող ծառայության աշխատակիցները ոստիկանների ուղեկցությամբ կոտրել են բնակիչներին պատկանող պահեստների և տների դռները՝ փորձագետների մուտքն այնտեղ ապահովելու համար։ Ըստ տարածված տեսանյութի՝ ոստիկանները բռնի ուժ են կիրառել․ տեսանյութից ակնհայտ երևում է տարեց կնոջ նկատմամբ կիրառվող բռնությունը, նրան գետնին քարշ տալը և ուշագնաց կնոջ նկատմամբ դրսևորած վատ վերաբերմունքը։

Հաղորդման հիման վրա քրեական վարույթ է նախաձեռնվել՝ ՀՀ Քրեական օրենսգրքի 441-րդ հոդվածի 2-րդ մասին 1-ին կետով։


© 1998 - 2023 Առավոտ – Լուրեր Հայաստանից