Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

44-օրյա պատերազմի հանգամանքներն ուսումնասիրող քննիչ հանձնաժողովում ՀՀ վարչապետ Նիկոլ Փաշինյանի ելույթը կլինի հրապարակային: Մոլդովայի հայ համայնքի հետ հանդիպման ժամանակ ասել է Փաշինյանը:

Ավելին, ես նույնիսկ կպնդեի, որ ոչ թե վարչապետի ելույթը լիներ հրապարակային, այլ նախևառաջ ապրիլյան պատերազմի զեկույցը լիներ հրապարակային, որն այդպես էլ չեղավ և երաշխիք լիներ, որ 44-օրյա պատերազմի հանգամանքների զեկույցը լիներ հրապարակային, մանավանդ որ դա հանրային մեծ ուշադրության արժանի հարցեր են, և որպեսզի հանրությունը կարողանա քննիչ հանձնաժողովի կողմից համակողմանի և ամբողջական ուսումնասիրության հիման վրա ունենա օբյեկտիվ պատկեր»:

Սաքունցի խոսքով՝ այդ հանձնաժողովի աշխատանքների ընթացքի մասին տեղեկատվություն քիչ է եղել, բայց բոլորը սպասում են վերջնական արդյունքին. «Որպեսզի ունենանք դիրքորոշում և կարծիք, պետք է հենվենք զեկույցի վրա, իսկ զեկույցը պետք է հասանելի լինի հանրությանը։ Մարդիկ պետք է տեսնեն զեկույցը, բայց մինչև հիմա անգամ այդպես էլ չապահովեցին ապրիլյան պատերազմի քննիչ հանձնաժողովի զեկույցի հրապարակայնությունը»:

Հնչող տեսակետին, թե չենք ունենա օբյեկտիվ բացահայտում և զեկույց, իրավապաշտպանն ասաց. «Ես չեմ ուզում ելնել այն կանխավարկածից, թե չի լինելու օբյեկտիվ զեկույց, մենք չենք ելնում նրանից, որ մեկ է՝ չեն ապահովելու օբյեկտիվությունը: Այնուամենայնիվ, հեղափոխությունից հետ ապրիլյան պատերազմի քննիչ հանձնաժողով ստեղծվեց և իրականացրեց աշխատանքը։

Մենք պետք է շարունակենք պահանջել, որ և հրապարակայնացնեն ապրիլյան պատերազմի հանգամանքների հիման վրա զեկույցը և 44-օրյա պատերազմի հանգամանքներն ուսումնասիրող հանձնաժողովի զեկույցը հրապարակային լինի։ Տվյալ դեպքում ծավալը բավական մեծ է և չեն կարող այդ կարճ ժամետում այդքան հսկայական աշխատանքներ իրականացնել»:

Սաքունցը նաև կոչ արեց իրենց ևս հրավիրել հանձնաժողով. «Թող հրավիրեն, ապրիլյանի ժամանակ էլ մեզ չհրավիրեցին, բայց մենք այդ հանձնաժողով մեր զեկույցներն ուղարկեցինք, 44-օրյայի հետ կապված զեկույցը դեռ չենք ուղարկել, բայց անպայման կուղարկենք»,-ընդգծեց նա:

Լրատվամիջոցը՝  1in.am ։