Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

⏳ Հունիսի 8-10-ը Երևանում անցկացվեց Համաշխարհային հոգեբուժական ասոցիացիայի «Հոգեբուժական պրակտիկայի XXI դարի նորարարությունները» խորագրով տարածաշրջանային համաժողովը։ Համաժողովին մասնակցում էին հոգեկան առողջության ոլորտի մասնագետներ Նորվեգիայից, Շվեդիայից, Հնդկաստանից, Հունաստանից, Վրաստանից և այլ երկրներից:

📑 Համաժողովի ընթացքում անցկացված գիտական սիմպոզիումներից մեկի թեման էր Մարդու իրավունքները և հոգեկան առողջությունը։ Սիմպոզիումին որպես խոսնակ հանդես է եկել Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը։ 

📝 Սաքունցը խոսել է Հայաստանում հոգեկան առողջության բնագավառում քաղաքականության մասին՝ մարդու իրավունքների համատեքստում։ Իր խոսքում  անդրադարձել է 

💡 հոգեկան առողջության խնդիրներ ունեցող անձանց լսված լինելու, մասնակցայնության ապահովման, անգործունակության ինստիտուտի վերացման անհրաժեշտությանը։ 

💡 Սաքունցը նշել է, որ թեև Հայաստանը ստանձնել է միջազգային պարտավորություններ, որոնցից բխում է ապաինստիտուցիոնալացման քաղաքականությունը, սակայն հոգեկան առողջության ծառայությունները շարունակում են կենտրոնացած լինել փակ և մարդու իրավունքների խախտման մեծ ռիսկեր պարունակող հոգեբուժական և խնամքի հաստատություններում։ Բացակայում են հասանելի, մատչելի և մարդու իրավունքների վրա հիմնված այլընտրանքային ծառայությունները։ Ավելին, ֆինանսական հիմնական հատկացումներն ուղղվում են այդ հաստատությունների վերակառուցմանն ու վերանորոգմանը, իսկ ապաինստիտուցիոնալացման ռազմավարությունը բացակայում է։

💡 Անդրադառնալով ոչ հոժարակամ բուժմանը՝ խնդրահարույց է գնահատել ոչ հոժարակամ բուժման գործերի քննման տևողությունը՝ արձանագրելով, որ անձը փաստացի զրկվում է ազատությունից։ 

💡 Սաքունցը շեշտել է հոգեբուժական հաստատություններում մահացության դեպքերը, որոնց առթիվ քրեական գործեր չեն հարուցվում։ 

💡 Ելույթի վերջում ՀՔԱՎ-ի ղեկավար Արթուր Սաքունցն անդրադարձել է հոգեմետ դեղորայքի ոչ պատշաճ որակի խնդրին՝ նշելով, որ հայտարարվող տենդերները շեշտը դնում են ցածր գնի պահանջի ապահովման վրա՝ անտեսելով դեղորայքի արդյունավետությունը։