Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Ինչո՞ւ Հայաստանը չի կատարել Եվրոպական հանձնաժողովի կոռուպցիայի դեմ պայքարի խմբի՝ GRECO-ի մի շարք հանձնարարականները, մասնավորապես չի ստեղծել Ազգային ժողովում էթիկայի մշտական հանձնաժողով։

Սա այն հանձնաժողովն է, որտեղ պետք է քննարկվի պատգամավորի բացասական վարքագիծը, կայացվեն որոշումներ նրա հետագա գործունեության վերաբերյալ։

«Պետք է ասել, որ երևի թե քաղաքական կամք չկա», - ասաց իրավապաշտպան Արթուր Սաքունցը:

Կոռուպցիայի կանխարգելումը պատգամավորների, դատավորների և դատախազների շրջանում. այս վերնագրով GRECO-ի վերջին զեկույցում նշվում է՝ 18 հանձնարարականներից 9-ը Հայաստանը բավարար չափով է կատարել, 9-ն էլ՝ մասնակի։ Այս շարքում են պատգամավորների վարքը գնահատող էթիկայի մշտական հանձնաժողով ունենալու, նաև պատգամավորների վարքագծի կանոնագրքի ընդունման պահանջները։

Իրավապաշտպան Արթուր Սաքունցն ասում է՝ էթիկայի մշտական հանձնաժողով ստեղծելու իրենց դիմումներին իշխանությունները պատասխանում էին, թե կա սահմանադրական արգելք։

«Օրենսդիր մարմնի ներկայացուցիչների վարքագծի հետ կապված խնդիրները, երբ որ քննարկվի, դա կբարձրացնի պատասխանատվությունը», - ընդգծեց Սաքունցը:

Սահմանադրությամբ խորհրդարանը կարող է ունենա առավելագույնը 12 մշտական հանձնաժողով։ Սաքունցը, սակայն, ուշադրություն է հրավիրում միջազգային այդ մարմնին տված իշխանության խոստումներին։ Իրենց պատասխանում չեն խոսել սահմանադրական արգելքի մասին, ավելին՝ վստահեցրել են, թե մինչև 2024-ի ավարտը մշտական հանձնաժողով ու պատգամավորի վարքագծի կանոններ կունենան։ Բայց այս տարվա ավարտին մնացել է երկու շաբաթ, ու այս փոփոխությունների մասին որևէ խոսք չկա։

«Համառորեն քաղաքական մեծամասնությունը չի նախաձեռնում, որովհետև ինքը կարող է նախաձեռնել ու ինքն ունի բավարար ձայներ», - ընդգծեց Սաքունցը:

Ամբողջական հարցազրույցը՝ ԱՅՍՏԵՂ։