Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

ՀՀ առողջապահության նախարարության մամուլի խոսնակ Ալինա Նիկողոսյանը ֆեյսբուքյան իր էջում պարզաբանում է գրել ՀՔԱՎ-ի կողմից բարձրացրած խնդրի վերաբերյալ.

«Վճարովի պայմանագրերը, որոնք մինչև հուլիսի 4-ն էին կնքվել արդեն իսկ վերակնքման փուլում են:

Հելսինկյան Քաղաքացիական Ասամբլեայի Վանաձորի գրասենյակը հայտարարություն է տարածել, մասնավորապես նշելով, թե «Քաղաքացիների ահազանգերը փաստում են, որ նախարարի հրամանը չի տարածվում մինչև հուլիսի 4-ը բուժում սկսած անձանց վրա։ Այն քաղաքացիները, որոնք պայմանագիր են կնքել բժշկական հաստատության հետ մինչև հուլիսի 4-ը, բայց բուժումը դեռ շարունակում են, ստիպված են վճարում կատարել մի ծառայության համար, որը արդեն անվճար է։

Խոսքը վերաբերում է հաստատված չարորակ ուռուցքաբանական և արյունաբանական ախտորոշումամբ հիվանդների ճառագայթային բուժմանը։

Ուզում ենք տեղեկացնել, որ առողջապահության նախարարությունը տեղյակ է բարձրացված հարցերից և այս պահին զբաղվում է իրավական կարգավորումներով։

Պետք է նշել, որ հուլիսի 4-ից որոշումն ուժի մեջ է մտել, սակայն այո եղել են պայմանագրեր, որոնք կնքվել են մինչև կառավարության որոշումը։

Վճարովի պայմանագրերը, որոնք մինչ այդ էին կնքվել արդեն իսկ վերակնքման փուլում են, այսինքն գումարը գանձվելու է մինչև հուլիսի 4-ը փաստացի կատարած աշխատանքի համար, իսկ հուլիսի 4-ից հետո կատարած բոլոր աշխատանքները իրականացվելու են պետական պատվերով և պացիենտներից գումար չի գանձվելու»:

armtimes.com