Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Իրավապաշտպան Արթուր Սաքունցը ֆեյսբուքյան իր էջում գրել է. ««Քանի որ ես քաղաքական պաշտոն եմ զբաղեցրել, նախարար եմ եղել, նաև ՀՀԿ Գործադիր մարմնի անդամ եմ եղել կամ մնում եմ, հանկարծ չփորձեք քրեական գործ հարուցել իմ, աղջկաս, տղայիս, կնոջս, զոքանչիս, եղբորս, հորս, մորս, մորաքրոջս, ընկերոջս, սանիկիս ունեցած սեփական գույքի ընդհանուր շուկայական արժեքի, և իմ, կնոջս, զոքանչիս, եղբորս, հորս, մորս, մորաքրոջս, ընկերոջս, սանիկիս այդ գույքի ձեռքբերման ժամանակահատվածում ունեցած պաշտոնական եկամուտների միջև հազարապատիկ, թեկուզ հարյուրապատիկ տարբերության հիմքով։ Աղջիկս ու տղաս էլ անչափահաս են, և եկամուտ չեն ունեցել, բայց նվեր են ստացել այդ գույքը։

Հանկարծ ու փորձեք հարուցել, ուրեմն հաստատ քաղաքական հետապնդում եք իրականացնում, կոռուպցիայի դեմ պայքարի անվան տակ, պարզ է՞»:

Այսպիսին է ՀՀԿ-ականների և նրանց աջակիցների ողջ տրամաբանությունը. կոռուպցիան և կոռուպցիոն ճանապարհով ձեռք բերված եկամուտներն ու գույքն անձեռնմխելի են, եթե խախտեք դրանց անձեռնմխելիությունը՝ այդ սորոսականների պահանջով, ուրեմն քաղաքական հետապնդում եք իրականացնում, և քայքայում հայկական ավանդական կոռուպցիայի արժեքները։

Իյա՜, իրո՞ք, կասեր ձեր դասականը»: